Калі вызваляюцца палітвязні?

Хтосьці выйдзе на свабоду ўжо сёлета, а камусьці сядзець у казематах яшчэ доўга.

Праваабаронцы прызналі палітвязнямі пятнаццаць чалавек. Чатырнаццаць з іх адбываюць рэальныя тэрміны. Сяргей Каваленка знаходзіцца пад вартай у ІЧУ. На яго заведзена крымінальная справа, па якой яму пагражае да трох гадоў пазбаўлення свабоды.

Зміцер Дашкевіч і Дзмітрый Бандарэнка атрымалі па два гады калоніі. Апошняму адмоўлена ва ўмоўна-датэрміновым вызваленні. І калі нічога не зменіцца, абодва палітвязні выйдуць на свабоду сёлета ў снежні.

У верасні 2013 чакаецца вызваленне Аляксандра Францкевіча. Яго асудзілі на тры гады. І хаця прайшла траціна і набліжаецца палова тэрміну зняволення, атрымаць палёгку ў выглядзе змякчэння рэжыму ці УДВ ён не спадзяецца. Праз месяц пасля Францкевіча павінен скончыцца тэрмін «хіміі» ў Паўла Севярынца.

У красавіку 2014 на свабоду выйдзе Мікалай Аўтуховіч. Яго пакаралі пяццю гадамі і двума месяцамі калоніі. А ў снежні — Эдуард Лобаў пасля чатырох гадоў зняволення.

У сакавіку 2015 чакаецца вызваленне Мікалая Дзядка. За кратамі ён павінен прывесці чатыры з паловай гады. А ў снежні заканчваецца пяцігадовы тэрмін Андрэя Саннікава.

У лютым 2016 на свабоду выходзіць Аляксандр Бяляцкі. Яго тэрмін — 4,5 года. У канца года — Мікалай Статкевіч пасля 6 гадоў калоніі.

Апошнімі з сённяшніх палітвязняў чакаецца выхад на свабоду Яўгена Васьковіча, Паўла Сырамалотава, Арцёма Пракапенкі — у студзені 2018. Усіх траіх асудзілі на сем гадоў калоніі. І толькі ў лістападзе на волю выйдзе Ігар Аліневіч. Ён атрымаў найбольшы тэрмін сярод палітвязняў — восем гадоў зняволення.

nn.by

, , , , , , , , , , - у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

31.08.2020 Паўлу Севярынцу прад’яўлена абвінавачванне

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

22.07.2020 Уладзімір Някляеў: Сёння Павел Севярынец можа выйсці на волю, а заўтра ўсё можа быць інакш (дапоўнена)

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

17.07.2020 Вольга Севярынец: Да Паўла па-ранейшаму не пускаюць святара

10.06.2020 Вольга Севярынец: Перадачы на Акрэсціна забаранілі перадаваць

08.06.2020 Вольга Севярынец: Агулам Павел павінен адсядзець 45 сутак

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

Іншыя палітычныя вязьні