Эдэм Бейкіраў: Нават першакласнікі лепш пішуць, чым расійскія спецслужбы крымінальныя справы

 Эдэм Бейкіраў крымскататарскі грамадскі актывіст, грамадзянін Украіны, пенсінер, мае інваліднасць першай групы.

Утрымліваўся пад арыштам у анэксаваным Крыме з 12 снежня 2018 году, але 7 верасня прыляцеў у Кіеў у межах абмена палоннымі.

Эдэм Бекіраў жыў у Херсонскай вобласці, удзельнічаў у розных акцыях, аўтапрабегах, мітынгах Меджліса крымскатарскага народа і грамадскіх аб’яднанняў у рэгіёне, актыўна заклікаў грамадскасць да супраціва анэксіі і захаванні правоў крымскататарскага народа. Падтрымліваў палітвязняў у Крыме, іх сем’і.

Мае інваліднасць першай групы, носіць пратэз на правай назе, рухаецца на мыліцах, хварэе на цукровы дыябет, мае шэраг іншых сур’ёзных сардэчна-сасудзістых захворванняў. У студзені 2018 года перанёс складаную аперацыю на сэрцы і планаваў працягнуць лячэнне.

Яго жонка – Гульнара Бекірава – сябра Меджліса крымскататарскага народа і намеснік кіраўніка адміністрацыі Генічскага раёна. Яна і іншыя члены сям’ьі Бекірава вялі актыўную праваабарончую дзейнасць.

У снежні 2018 году Эдэм Бекіраў збіраўся ехаць у Кіеў на планавую аперацыю на сэрца. Перад паездкай актывіст вырашыў наведаць сталую маці і іншых родных у Крыме.

Раніцай 12 снежня пры ўездзе ў Крым на КПП “Джанкой” пры праходжанні пашпартнага кантролю Бекірава затрымалі супрацоўнікі ФСБ Расіі. Праз некалькі гадзін расійскія сілавікі адвезлі Бекірава ў глыбіню паўвострава.

Вечарам актывіста ўтрымлівалі ў сімферопальскім упраўленні ФСБ, а на наступны дзень падкантрольны Крамлю Кіеўскі суд Сімферопаля арыштаваў Эдэма Бекірава па падазрэнні ў “незаконным абароце зброі і выбухоўкі”. Абвінавачванне таксама сцвярджала, што Бекіраў з паплечнікамі планаваў супрацьпраўныя дзеянні на тэрыторыі Крыма.

У матэрыялах справы ўказвалася, што, маўляў, Бекіраў перадаў нейкаму таксісту сумку з амаль 12 кілаграмамі траціла і 190 патронамі і папрасіў іх схаваць. У ФСБ Расіі таксама сцвярджалі, што фігурант справы, імя якога не раскрывалі, быццам бы прыйшоў да сілавікоў і распавёў пра планы Бекірава. Звесткі пра гэтага сведку засакрэчаны.

Эдэм сваё віны не прызнаваў, паказанні сведак разыходзіліся і было відавочна, што справа сфальсіфікавана.

На пасяджэннях Бекіраву неаднойчы станавілася дрэнна. Па словах абаронцаў актывіста, яго нельга было ўтрымліваць пад вартай па стане здароўя. Некалькі разоў палітвязня вывозілі ў бальніцу ў Сімферопале для пацвярджэння дыягназаў украінскіх медыцынскіх устаноў, але затым ізноў вярталі ў СІЗА.

27 жніўня гэтага году Цэнтральны раённы суд Сімферопаля змяніў меру ўтрымання актывіста з утрымання ў СІЗА на абязальніцтва аб яўцы ў суд.

Эдэма Бекірава утрымлівалі ў спецкамеры 100 дзён, яшчэ 158 дзён ён правёў у медыцынскай часці СІЗА-1 у Сімферопалі.

7 верасня Эдэм Бекіраў прыляцеў у Кіеў у межах абмена палоннымі.

Калі актывіст апынуўся на волі, то пра сваю справу пажартаваў так: “Нават першакласнікі лепш пішуць, чым расійскія спецслужбы крымінальныя справы”.

palitviazni.info

 

Зьвязаныя навіны:

Іншыя палітычныя вязьні

  • Кацярына Садоўская
  • Віталь Мацукевіч
  • Уладзімер Падгол
  • Павал Сырамолатаў