Грамадскі актывіст і былы палітвязень Зміцер Дашкевіч распавёў пра сваю сустрэчу ў мінулую нядзелю з суарацоўнікамі ДАІ.
“Падчас мірнай акцыі 27 верасня ехаў на машыне і вітаў удзельнікаў марша гукавымі сігналамі, – распавёў Зміцер Дашкевіч сайту palitviazni.info. – Спынілі супрацоўнікі ДАІ. Забралі тэхпашпарт на аўтамабіль, паабяцалі скласці аж восем пратаколаў аб адміністрацыйных правапарушэннях. Гумар у даішнікаў быў своеасаблівым. Сказалі: “Восем раз сігналіў — таму восем пратаколаў і складаем”.
Зміцер Дашкевіч кажа, што ў краіне сёння пануе поўнае беззаконне, таму сілавікі могуць зрабіць усё што заўгодна.
“Пакуль не звяртаўся за дакументамі, пабачым, як будуць разгортвацца падзеі далей, – дадае ён. – Мы ж бачым, што сёння творыць гэты рэжым…”
palitviazni.info
Фота: facebook.com/zm.dashkevich