Наста Палажанка: “Я ня бачыла Зьмітра Дашкевіча паўтара года”

Лідэр «Маладога фронту» Зьміцер Дашкевіч з 19 верасьня пераведзены ў Мазырскую калёнію, дзе з 21 верасьня трапіў у карцэр і на знак пратэсту супроць незаконнага ціску абвясьціў галадоўку. «Лістоў ад яго няма, а зьвестак пра яго ў калёніі не даюць. Мы з адвакатам зьбіраемся наведаць Мазырскую калёнію ў пятніцу, 5 кастрычніка», — паведаміла «Свабодзе» нявеста палітвязьня Наста Палажанка. Наста кажа, што ёй пабачыць Зьмітра не дадуць — адміністрацыі калёній, дзе трымалі і трымаюць Дашкевіча, ня лічаць яе ягоным сваяком і на гэтай падставе адмаўляюць у спатканьнях. Апошні раз Наста Палажанка бачылася са Зьмітром Дашкевічам летась у красавіку, на пахаваньні маці Дашкевіча. Пра цяперашні стан здароўя любімага чалавека Наста нічога пэўнага ня ведае, але здагадваецца, што ён не найлепшы.

«Што можа быць нармальнага? Чалавек год сядзіць у камэрнай сыстэме, у цемры, у халоднай камэры. Не ўяўляю, якое там можа быць здароўе. Я за год яго ніводнага разу не змагла пабачыць. Але мяркую, што нічога добрага там няма».

У Мазырскай калёніі адміністрацыя адмаўляецца кантактаваць з журналістамі адносна справы Зьмітра Дашкевіча.

Human Rights Watch заклікае беларускія ўлады спыніць ціск на Зьмітра Дашкевіча.

«Недазволенае абыходжаньне з затрыманымі забаронена пры любых абставінах. Апошнія выпадкі ціску чарговым разам сьведчаць, што беларускія ўлады маюць намер працягваць помсьціць сваім апанэнтам нават пасьля таго, як тыя ўжо кінутыя за краты», — заявіла дасьледчык Human Rights Watch па Эўропе і Цэнтральнай Азіі Юлія Гарбунова адносна сытуацыі вакол Зьмітра Дашкевіча і Алеся Бяляцкага. Пра гэта перадае праваабарончы цэнтар «Вясна».

svaboda.org

- у навінах

 

Зьвязаныя навіны:

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

04.07.2018 Зміцер Дашкевіч: А якой яшчэ “лібералізацыі” трэба было чакаць?

Іншыя палітычныя вязьні