Пракуратура назьбірала ў турме 40 сьведак супраць Дашкевіча

Зьміцер Дашкевіч 24 жніўня выйшаў з карцэру, каб праз 4 дні трапіць на новы судовы працэс.

Паводле падлікаў намесьніка старшыні «Маладога фронту» Насты Палажанкі палітвязень Зьміцер Дашкевіч 24 жніўня мусіў выйсьці з карцэра, куды ён патрапіў 11 дзён таму за непадпарадкаваньне.

Наста Палажанка: «Гэта значыць, што толькі сёньня ён атрымае нейкія лісты і карэспандэнцыю, якія прыходзілі ўвесь гэты час. На жаль, да аўторка ўжо ня здолее адказаць. Дакладней, адказаць зможа, але пошта на выходныя не працуе і лісты адразу ня прымуць. Таму да суду ад яго нейкіх лістоў атрымаць не спадзяюся.

У аўторак а 10 раніцы ў яго будзе суд. Суд будзе закрыты, як яны кажуць, выязны — гэта калі судзьдзя выяжджае на тэрыторыю калёніі. Вядома таксама, што па справе ідзе каля 40 сьведак. Гэта і міліцыянты, і зьняволеныя. Ня ведаю, ці ёсьць хоць адзін сьведка з боку Зьмітра. Хутчэй за ўсё няма, бо ён жа адмовіўся ад абароны, бо лічыць гэты працэс цалкам незаконным і штучным. Ён адпачатку гэтак паставіўся да суду і сваёй пазыцыі не мяняе. І вядома, што ўжо ў начны час пасьля суду яго чакае этап у Віцебск. Мы з адвакатам прыедзем да калёніі, каб даведацца пра вынік і падтрымаць Зьмітра, але невядома, ці што даведаемся».

Старшыня «Маладога фронту» Зьміцер Дашкевіч асуджаны паводле абвінавачаньня ў хуліганстве на 2 гады зьняволеньня. У Глыбоцкай калёніі на палітвязьня завялі новую справу паводле артыкулу аб непадпарадкаваньні, яму пагражае падаўжэньне тэрміну яшчэ на год.

svaboda.org

- у навінах

 

Зьвязаныя навіны:

24.12.2020 Зміцер Дашкевіч: Я натхніўся, што трэба і далей асвятляць палітвязняў лістамі з волі

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

Іншыя палітычныя вязьні