Зьмітра Дашкевіча да канца тэрміну адправілі ў “крытую” турму

Выязны Мазырскі суд пастанавіў накіраваць палітвязьня Зьмітра Дашкевіча ў «крытую» турму строгага рэжыму.

У якую дакладна турму накіруюць Дашкевіча, стане вядома толькі пасьля яго прыбыцьця. «Але вядома, што этап у яго ўжо сёньня», — паведаміла нявеста палітвязьня Наста Палажанка, якая чакала рашэньня суду каля ўваходу ў калёнію. Вось што Наста Палажанка паведаміла ў тэлефоннай размове адразу пасьля сустрэчы з адвакатам пра абгрунтаваньне такога рашэньня суду:

«Да яго былі стандартныя пытаньні — давяраеш суду ці не давяраеш. Ён адказаў, што не давярае. А калі дапытваліся пра лінію паводзін, якую абраў у калёніі, ён заявіў, што лічыць сябе невінаватым і таму мае маральнае права не выконваць незаконныя, як ён лічыць, патрабаваньні».

Карэспандэнт: «Як ён выглядае, як сябе паводзіў?»

Палажанка: «Выглядаў быццам нармальна, але, безумоўна, хвалюецца перад новым этапам. Тым больш ён будзе дастаткова хутка — адразу пасьля суду».

З трох турмаў — магілёўскай, гарадзенскай і жодзінскай — Зьміцер Дашкевіч можа апынуцца ў дзьвюх — гарадзенскай ці жодзінскай, бо магілёўская турма прызначаная для тых вязьняў, якія адбываюць тэрміны ўпершыню. Паводле Насты Палажанкі, Дашкевіч мяркуе, што яго накіруюць у Гарадзенскую турму. Прычыны, чаму ён так лічыць, актывістцы невядомыя.

Вось як Наста Палажанка пракамэнтавала тое, што Зьмітра Дашкевіча вырашылі накіраваць у «крытую» турму:

«Безумоўна, гэта пагаршэньне ўмоваў для яго: новы этап, новыя людзі, новая турма. Толькі месяц таму ў яго быў этап, і зараз будзе новы — гэта такое вымотваньне чалавека. Яго хочуць больш ізаляваць, каб і зьняволеныя ня бачылі і ня ведалі пра яго. Але найперш — пагоршыць яму ўмовы».

Год пазбаўленьня волі, які Зьміцер Дашкевіч атрымаў за непадпарадкаваньне адміністрацыі, скончыцца ў жніўні. Такім чынам, рэшту гэтага тэрміну актывіст правядзе ў крытай турме, калі яго ня вызваляць, як сталася зь некаторымі палітвязьнямі, датэрмінова.

svaboda.org

- у навінах

 

Зьвязаныя навіны:

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

04.07.2018 Зміцер Дашкевіч: А якой яшчэ “лібералізацыі” трэба было чакаць?

Іншыя палітычныя вязьні