Дзесяць дзён прайшло з таго моманту, як лідара “Маладога фронту” Змітра Дашкевіча другі раз запар пакаралі карцэрам у Глыбоцкай турме.

За што было накладзена пакаранне, невядома. Нявеста актывіста Наста Палажанка спадзяецца даведацца пра акалічнасці праз адваката заўтра (1 сакавіка).

– Магчыма ён выйшаў учора ўвечары, а магчыма і не, нам невядома. Па тэлефоне яны такой інфармацыі не даюць. У чацвер мы паедзем з адвакатам туды і толькі там даведаемся ці ёсць нейкія змены ў яго, ці няма.

Зміцер Дашкевіч быў асуджаны да 2 гадоў пазбаўлення волі ва ўмовах агульнага рэжыму за нібыта здзейсненае хуліганства. Яго і ягонага паплечніка Эдуарда Лобава абвінавацілі ў бойцы з мінакамі. Праваабаронцы лічаць, што бойка была справакавана супрацоўнікамі спецслужбаў і прысуд мае выразны палітычны падтэкст.

racyja.com