Алесь Бяляцкі: Спадзяёмся, што наш голас будзе пачуты

Напярэдадні сесіі Парламенцкай асамблеі АБСЕ прайшоў і Паралельны форум грамадзянскай супольнасці пад назвай “Шэсць гадоў пасля даклада ў рамках Маскоўскага механізму АБСЕ аб сітуацыі з правамі чалавека ў Беларусі: што змянілася?”

“Пытанне палітвязняў таксама ўвайшло ў рэзалюцыю, якую мы прынялі на форуме”, – распавёў сайту palitviazni.info кіраўнік Праваабарончага цэнтра “Вясна” Алесь Бяляцкі

Як вядома, па выніках форума была прынята рэзалюцыя, якая ўтрымлівае спецыяльны раздзел па сітуацыі ў Беларусі. Гэты раздзел уключае цэлы шэраг канкрэтных рэкамендацый.

«Выкананне Беларуссю абавязальніцтваў у рамках АБСЕ і яе ўзаемадзеянне з механізмамі і працэдурамі АБСЕ вымушае жадаць лепшага, і мы просім вашай асаблівай увагі да гэтай сітуацыі», – звяртаюцца аўтары рэзалюцыі да яе адрасатаў.

“Пытанне палітвязняў таксама ўвайшло ў рэзалюцыю, – распавёў сайту palitviazni.info кіраўнік Праваабарончага цэнтра “Вясна” Алесь Бяляцкі. – Гэтая тэма падымалася і падчас выступленняў і на форуме, і на брыфінгу. Мы персанальна спыняліся на тым, што ў Беларусі ёсць палітычныя зняволеныя”.

Са слоў праваабаронцы, правядзенне ў Мінску Парламенцкай Асамблеі АБСЕ – “гэта палітычны крок беларускіх уладаў”.

“Але, улічваючы, што АБСЕ – структура, якая ў сваёй дзейнасці ў значнай ступені мае і правапабарончы аспект, мы выкарыстоўваем гэта настолькі максімальна, наколькі магчыма, каб давесці праўдзівую інфармацыю, – дадае Алесь Бяляцкі. – Адным словам, у гэтай сітуацыі кожны спрабуе выгадаць сваё. У рэзалюцыі мы паказалі сапраўдную карціну таго, што адбываецца ў Беларусі, ведаючы, што ўлады будуць выкарыстоўваць Парламенцкую асамблею ў Мінску ў якасці магчымасці палепшыць сітуацыю на заходнім накірунку, прынцыпова нічога не змяняючы ў самой Беларусі. Спадзяёмся, што наш голас будзе пачуты”.

palitviazni.info

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні