Алесь Бяляцкі: У Беларусі асноўны удар накіраваны на блогераў

Кіраўнік Праваабарончага цэнтра “Вясна” Алесь Бяляцкі распавёў сайту palitviazni.info пра ціск на блогераў і ўзмацненне рэпрэсій падчас прэзідэнцкай кампаніі.

“Улады найперш разглядаюць блогераў, як рэальную інфармацыйную пагрозу”, – кажа праваабаронца.

Нагадаем, што днямі быў затрыманы стваральнік ютуб-канала “Краіна для жыцця” Сяргей Ціханоўскі, пасля чаго ў Мінску, Гродне і Магілёве прайшлі акцыі ў падтрымку блогера.

Таксама затрыманы і брэсцкі блогер Сяргей Пятрухін.

– Улады найперш разглядаюць блогераў, як рэальную інфармацыйную пагрозу, – лічыць Алесь Бяляцкі. – Пры гэтым тэндэнцыя на пераслед блогераў фарміруецца ўжо некалькі гадоў. Мы гэта заўважаем з 2017 году, з часоў так званых “Маршаў дармаедаў”.

За гэтыя гады распаўсюд інфармацыі ўдасканальваўся, з’явіліся новыя асобы, і гэта пашыраецца, нягледзячы на персанальны прэсінг на людзей. А зараз, у звязку з прэзідэнцкай кампаніяй, мы бачым, што ціск на блогераў узмацняецца.

– Улады спрабуюць тэрмінова “навесці парадак” у інфармацыйнай прасторы?

– Так, і з гэтым звязана, дарэчы, пазбаўленне акрэдытацыі журналістаў расійскага Першага канала.

А ў Беларусі асноўны удар накіраваны на блогераў. Сяргей Ціханоўскі і Сяргей Пятрухін – гэта тыя два чалавекі, якія прыцягваюць да сябе найбольшую ўвагу.

Ціханоўскаму, да слова, яшчэ застаецца адсядзець 15 сутак адміністрацыйнага арышту. У блогера “Шэрага Ката” таксама застаюцца “суткі” пра запас, таму відавочна, што гэтыя людзі апынуліся на вастрыні ўдара з боку беларускіх уладаў.

І гэта я расцэньваю, як наступ на інфармацыйную прастору, на свабоду распаўсюду інфармацыі. Гэта класічнае парушэнне правоў чалавека. Натуральна, мы лічым, што такія меры рэпрэсій абсалютна неапраўданыя.

– Ці варта чакаць узмацнення рэпрэсій падчас прэзідэнцкай кампаніі?

– Так заўсёды было, бо павялічвалася актыўнасць грамадзян, а зараз у Беларусі наогул асаблівая сітуацыя. Яна адбываецца падчас эпідэміі, таму цяжка сказаць, наколькі гэтая актыўнасць будзе ўзмацняцца.

Але Сяргей Ціханоўскі абвясціў, напрыклад, што збіраецца быць кандыдатам у прэзідэнты. Пры гэтым выступае з жорсткай крытыкай беларускага кіраўніка. Суадносна, можна чакаць павелічэння рэпрэсій у адносінах да такіх актыўных апанентаў сённяшняй улады.

palitviazni.info

 

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні