8 верасня быў затрыманы былы палітвязень, акьывіст “Маладога Фронту” Зміцер Дашкевіч.
“Мне пазваніла суседка, каторая пачула крык Змітра «Дапамажыце», – напісала Наста Дашкевіч, жонка Зміцера, на сваёй старонцы ў Фэйсбуку. – Яго грузілі скручанага ў аўтобус чалавек 10-15, від у яго быў вельмі памяты. У выніку Зьмітра адвезлі на бусе. Спалоханыя цётачкі, не хаваючы слёзаў, крычалі: «Ён іншага меркавання! Біць-та яго за што! За што біць!».
Нагадаем, сёння «Малады Фронт» меў намер правесці акцыю каля расійскай амбасады, прысвечаную Аршанскай бітве. Акцыя мае лозунг «Атрымалі пад Воршай, атрымаеце і пад Веткай!».
«Народзе, тады толькі зажывеш шчасліва, калі над табою маскаля ўжо не будзе!» — напісаў лідар Маладога Фронту Зміцер Дашкевіч. — Таму мы заклікаем адзначыць 502-ю гадавіну Бітвы пад Воршай — Дзень беларускай вайсковай славы! Нагадаем Расіі, што яе чакае, калі яна паспрабуе рэалізаваць у Беларусі свае імперскія комплексы».
– Каля 16.30 Зміцер выйшаў з пад’езду, – распавяла Наста сайту palitviazni.info. – Праз некалькі хвілін мне патэлефанавала сяброўка, якая жыве ў доме насупраць і паведаміла, што чула крыкі майго мужа аб дапамозе. Маўляў, чалавек дзесяць невядомых людзей закідваюць Змітра ў белы мікрааўтобус (на фота). Я выйшла і насамрэч убачыла на вуліцы шмат людзей, гэта былі міліцыянты ў цывільным. Апошнія мне нічога не сказалі і з’ехалі.
– Вы звязваеце гэтае затрыманне з акцыяй, якую “Малады Фронт” збіраўся правесці сёння ля расійскай амбасады?
— Толькі з гэтым. Увогуле, такія брутальныя паводзіны мы ўжо даўно не сустракалі.
palitviazni.info