Алесь Бяляцкі намінаваны на прэмію імя Андрэя Сахарава

Паводле сайту Эўрапарлямэнту, акрамя беларускага праваабаронцы ў ліку намінантаў на прэмію імя Андрэя Сахарава «За свабоду думкі» — расейская панк-група Pussy Riot і яшчэ 6 праваабаронцаў і грамадзкіх дзеячаў з розных краін сьвету.

У праваабарончым цэнтры «Вясна» не пацьвердзілі зьвестак пра намінацыю Алеся Бяляцкага на прэмію імя Андрэя Сахарава.

Намесьнік старшыні «Вясны» Валянцін Стэфановіч:

«Мы пакуль гэтых зьвестак ня маем. Ведаю, што польскія дэпутаты выступалі з такой ініцыятывай, але што з гэтага атрымалася, ня ведаю».

9 кастрычніка адбудзецца галасаваньне па трох фіналістах.

Уручэньне прэміі «За свабоду думкі» заплянаванае на 12 сьнежня.

Натальля Пінчук: «Значыць, Алеся не забываюць»

Жонка Алеся Бяляцкага Натальля Пінчук гэтак пракамэнтавала навіну.

«Зразумела, што вялікі гонар для Алеся — такое вылучэньне. Гэта важна ў любым выпадку, будзе ён узнагароджаны гэтай прэміяй ці не. Гэта важна ў тым сэнсе, што пра Алеся памятаюць і яго падтрымліваюць. І, мяркую, для яго таксама будзе важна гэта пачуць і ведаць. Таксама мяркую, што кожны, хто вылучаны, годны прэміі. Таму вельмі важнае менавіта вылучэньне, а як яно складзецца, гэтак і будзе».

На прэмію Бяляцкага вылучыў дэпутат Эўрапарлямэнту ад Польшчы

Пры канцы жніўня дэпутат ЭП ад Польшчы Яцэк Сарыюш-Вольскі заклікаў падтрымаць вылучэньне беларускага праваабаронцы Алеся Бяляцкага на атрыманьне прэміі імя Сахарава.

У сваім звароце Сарыюш-Вольскі падкрэсьліў, што ўклад Бяляцкага ва ўмацаваньне міру шырока ацэнены, у тым ліку і ААН. Акрамя таго, нагадаў ён, беларускі праваабаронца намінаваны на Нобэлеўскую прэмію міру.

«Эўрапарлямэнт, які ўжо заявіў пра сваю падтрымку Алеся Бяляцкага ў рэзалюцыі ад 15 верасьня 2011 году, можа падкрэсьліць унівэрсальную значнасьць упартай барацьбы за свабоду ў краінах, дзе кіруюць дыктатары, узнагародзіўшы праваабаронцу прэміяй Сахарава», — заўважыў Сарыюш-Вольскі.

Раней прэмію Сахарава атрымлівалі Аляксандар Мілінкевіч і Беларуская асацыяцыя журналістаў.

Справа Бяляцкага

Кіраўнік праваабарончага цэнтру «Вясна» Алесь Бяляцкі асуджаны на 4,5 года турмы ў лістападзе летась. Яго прызналі вінаватым у нясплаце падаткаў. Праваабаронца сваёй віны не прызнаў і заявіў, што ўсе грошы, атрыманыя на ягоныя рахункі, ішлі на праваабарончую дзейнасьць.

Падставай для крымінальнага перасьледу Бяляцкага стала інфармацыя пра банкаўскія рахункі, якую перадалі афіцыйнаму Менску Літва і Польшча.

Краіны Эўразьвязу, ЗША і міжнародныя праваабарончыя арганізацыі лічаць Бяляцкага палітвязьнем, а прысуд яму — палітычна матываваным. Яны патрабуюць ад уладаў Беларусі вызваліць праваабаронцу.

svaboda.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні