Наталля паведаміла, што атрымала адмову з Дэпартамента выкананьня пакараньняў МУС – пакуль у вуснай форме.

***

Жонка зняволенага праваабаронцы Алеся Бяляцкага Наталля не пакідае надзеі дамагчыся дазволу на спатканьне мужа з родным бацькам, які знаходзіцца ў цяжкім стане. Яна звярнулася ў Міністэрства ўнутраных спраў. Чыноўнікі ёй паведамілі, што праінфармавалі пра сітуацыю Дэпартамент выкананьня пакараньняў МУС.

Па тэлефоне ў Дэпартаменце Наталлі адказалі, што адказ на яе просьбу будзе дадзены на працягу пятнаццаці дзён. Таксама паведамілі, што прызначаны адказны па яе хадайніцтве.

Раней часова выконваючы абавязкі начальніка Дэпартамента С. Працэнка паведаміў Наталлі, што паводле заканадаўства асобы, якія ўтрымліваюцца пад вартай, маюць права на спатканьне са сваякамі ў адведзеных для гэтага памяшканьнях у месцах утрыманьня пад вартай, а“іншага парадку прадастаўленьня спатканьня асобам, у дачыненьні да якіх абвінаваўчы прысуд не ўступіў у сілу, не прадугледжана”.

spring96.org