Лідэр «Маладога фронту» быў вызвалены з гарадзенскай турмы 28 жніўня ў 6.20 раніцы. Каля варотаў турмы Зьміцера Дашкевіча сустракала ягоная жонка — Наста, журналісты і сябры, якія чакалі яго ўсю ноч. Першае відэа і фоты.

Падчас імправізаванай прэс-канфэрэнцыі, якая адбылася на рагу вуліц Гараднічанскай і Кірава Дашкевіч заявіў, што адчувае сябе здаровым, дзякаваў усім за падтрымку, якую ён адчуваў за кратамі і сказаў, што мае пляны працягваць сваю ранейшую дзейнасьць.

Зьміцер Дашкевіч быў затрыманы — паводле афіцыйнай вэрсіі — за хуліганства напярэдадні апошніх прэзыдэнцкіх выбараў у 2010 году і асуджаны на 2 гады пазбаўленьня волі. Аднак у 2012 годзе выязным судом ён быў прыгавораны да яшчэ аднаго году зьняволеньня, нібыта, за непадпарадкаваньне супрацоўнікам міліцыі.

svaboda.org