Зьміцер Дашкевіч раіць ніколі не трымаць галадоўку ў карцэры

Зьміцер Дашкевіч даслаў першы ліст з ПКТ Мазырскай калёніі, куды ён патрапіў 5 кастрычніка пасьля галадоўкі на знак пратэсту супроць абыходжаньня, якое ён лічыць зьняважлівым.

Нявеста палітвязьня Наста Палажанка распавяла:

«Гэта адразу некалькі лістоў, якія ён пісаў паступова штодня, але адправіў разам, бо, відаць, не было пошты. Піша, што паступова выходзіць з галадоўкі, спрабуе есьці больш разнастайнай ежы. Пра галадоўку напісаў, што не пазнаў сябе, калі ў ПКТ зазірнуў у люстэрка. Што схуднеў за 14 дзён болей, як трымаў галадоўку ў 2006 годзе цягам 21 дня. Мне не раіць ніколі трымаць галадоўку ў карцэры.»

Наста Палажанка паведаміла, што турэмныя лекары прызналі Зьмітра Дашкевіча пасьля галадоўкі схільным да суіцыду, «хаця галадоўка — гэта форма пратэсту супроць свавольства адміністрацыі».

У лісьце Зьміцер Дашкевіч паведаміў некаторыя падрабязнасьці наведваньня яго папскім нунцыем у канцы верасьня.

«Ён напісаў, што нунцый яго падтрымліваў, перадаваў прывітаньне ад папы і казаў, што касьцёл падтрымлівае людзей, якія змагаюцца за справядлівасьць у сваёй краіне. Што яны моляцца за палітвязьняў. Зьміцер быў вельмі прыемна зьдзіўлены такой пазыцыяй, піша, што размова была абсалютна пазытыўнай», — распавяла Наста Палажанка.

У канцы жніўня лідэр «Маладога фронту» Зьміцер Дашкевіч, які адбываў двухгадовы тэрмін паводле абвінавачаньня ў хуліганстве ў Глыбоцкай калёніі, быў асуджаны яшчэ на год за непадпарадкаваньне і пераведзены ў Мазырскую калёнію строгага рэжыму. Праваабаронцы ў Беларусі лічаць, што беларускія ўлады перасьледуюць Зьмітра Дашкевіча за ягоную палітычную дзейнасьць.

svaboda.org

- у навінах

 

Зьвязаныя навіны:

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

04.07.2018 Зміцер Дашкевіч: А якой яшчэ “лібералізацыі” трэба было чакаць?

Іншыя палітычныя вязьні