Дэпутат Бундэстагу выступіў супраць прысуду Зьмітру Дашкевічу

Каардынатар у пытаньнях замежнай палітыкі фракцыі ХСС/ХДС у нямецкім Бундэстагу, старшыня моладзевага зьвязу хрысьціянскіх дэмакратаў ФРГ Філіп Місфэльдэр выказаш сваё расчараваньне з нагоды новага прысуду лідэру беларускага «Маладога фронту» Зьмітру Дашкевічу.

Як гаворыцца ў заяве нямецкага палітыка, Дашкевіч лідэр моладзевай арганізацыі, якая выступае за будучыню Беларусі як дэмакратычнай і правой дзяржавы.

«Ён з’яўляецца прыкладам для многіх палітычна актыўных маладых людзей, якія прагнуць пасьля многіх гадоў дыктатуры прагнуць свабоды для свайго народу.Такія людзі, якіх перасьледуе і несправедліва карае рэжым, заслугоўваюць нашай глыбокай павагі і салідарнасці.

Беларускія ўлады павінны нарэшце вызваліць Зьмітра Дашкевіча і спыніць практыку палітычна матываваных арыштаў. Дадатковы турэмны прысуд Дашкевічу цалкам непрымальны. Тое, што адбываецца ў Беларусі, дэманструе нам, што свабоду меркаваньняў і сходаў маюць далёка ня ўсе людзі ў Эўропе. Я нагадваю рэжыму ў Менску, што ў яго няма анікай палітычнай падаплёкі да ігнараваньня правоў чалавека», — гаворыцца ў заяве.

28 жніўня Дашкевіча, які адбывае пакараньне, асудзілі на год пазбаўленьня волі, нібыта, за «злоснае непадпарадкаваньне патрабаваньням адміністрацыі калёніі».

Зьміцер Дашкевіч разам з актывістам «Маладога фронту» Эдуардам Лобавым быў затрыманы ў Менску за дзень да прэзыдэнцкіх выбараў, 18 сьнежня 2010 году. Іх абвінавацілі ў зьбіцьці двух чалавек.

24 сакавіка 2011 году суд асудзіў Дашкевіча да двух гадоў пазбаўленьня волі ў калёніі агульнага рэжыму, а Лобава да чатырох гадоў.

Беларускія і міжнародныя прваабарончыя арганізацыі, уключна з Amnesty International і Libereco — Partnership for Human Rights, называюць Дашкевіча вязьнем сумленьня і патрабуюць яго неадкладнага і безумоўнага вызваленьня.

svaboda.org

- у навінах

 

Зьвязаныя навіны:

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

04.07.2018 Зміцер Дашкевіч: А якой яшчэ “лібералізацыі” трэба было чакаць?

18.05.2018 Зміцер Дашкевіч: Гэты крымінальны артыкул ужо даўно састарэў

Іншыя палітычныя вязьні