Зміцер Дашкевіч сустрэўся з адвакатам

За 30 дзён знаходжання ў штрафным ізалятары Зміцер Дашкевіч атрымаў больш за 300 лістоў са словамі падтрымкі. У пятніцу з лідарам “Маладога фронту” ў глыбоцкай калоніі №13 сустрэлася яго адвакат.

Адвакат гутарыла з падабаронным праз шкло і ў прысутнасці супрацоўнікаў турмы. Па словах нявесты Дашкевіча Настассі Палажанкі, на здароўе палітычны вязень не скардзіўся, хоць да гэтага часу невядома, за якія канкрэтна правіны ён быў пакараны ізалятарам.

– Няма такіх дадзеных, з-за якіх яго пасадзілі. Проста праз невыкананне тых патрабаванняў, якія мае да яго адміністрацыя. Ён выйшаў у аўторак увечары са штрафнога ізалятара, дзе падчас знаходжання атрымаў каля 300 лістоў, на якія, безумоўна, будзе адказваць. Гэта сведчыць пра людскую падтрымку. Здароўе яго здавальняючае: ні добрае, ні кепскае. Трымаецца ён добра. Паколькі ў штрафным ізалятары была забаронена любая карэспандэнцыя, то будзе знаёміцца з тым, што адбывалася за гэты час.

За люты бягучага года адміністрацыя глыбоцкай турмы двойчы змяшчала Зміцера Дашкевіча ў штрафны ізалятар. У сувязі з гэтым актывісты “Маладога фронту” заявілі пра беспрэцэдэнтны ціск на свайго лідара.

На волю Зміцер Дашкевіч, затрыманы за дзень да прэзідэнцкіх выбараў 2010 года, мае выйсці сёлета 18 снежня.

racyja.com

- у навінах

 

Зьвязаныя навіны:

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

04.07.2018 Зміцер Дашкевіч: А якой яшчэ “лібералізацыі” трэба было чакаць?

Іншыя палітычныя вязьні