Прадстаўнік анархічнага руху Зміцер Паліенка лічыць, што ціск на палітвязня Мікіту Емельянава ідзе адмыслова.
“Хочуць паказытаць нервы нервы ўсім тым, хто падтрымлівае Мікіту”, – паведаміў Зміцер сайту palitviazni.info.
Днямі палітвязень Мікіта Емяльянаў быў этапаваны ў папраўчую калонію №2 горада Бабруйска. Да гэтага яго родныя і сябры безпаспяхова спрабавалі даведацца месцазнаходжанне Мікіты.
“Я не ведаю, чаму былі праігнараваны запыты блізкіх Емельянава, якія хацелі даведацца інфармацыю пра сына, – кажа экс-палітвязень Зміцер Паліенка. – Гэта ж не сакрэтная інфармацыя.
Таксама незразумела, чаму адміністрацыя калоніі не паведаміла бацькам Мікіты, што іх сын ужо знаходзіцца ў ВК-2 Бабруйска. Яны абавязаны пра гэта паведамляць родным. Так, напрыклад, было ў маім выпадку.
А пра месцазнаходжанне Мікіты мы даведаліся толькі пасля таго, як ён даслаў маці паштоўку з Бабруйскай калоніі”.
Зміцер Паліенка мяркуе, што гэта робіцца адмыслова.
“Спецыяльна прэсуюць хлопца, каб паказытаць нервы ўсім тым, хто падтрымлівае Мікіту, – дадае суразмоўца. – Тут дзеянні адміністрацыі папраўчых устаноў адназначна неправамерныя і абсурдныя”.
***
Нагадаем, што 12 лютага 2020 году суд Савецкага раёна Мінска асудзіў 19-гадовых анархістаў Мікіту Емяльянава і Івана Комара на сем гадоў пазбаўлення волі кожнага ў калоніі ўзмоцненага рэжыму.
Іх асудзілі за дзве акцыі: Мікіта Емельянаў кінуў лямпачку з чырвонай фарбай у будынак Мінгарсуда, дзе ў той дзень мусіў пачацца суд на Дзмітрыем Паліенкам. А пазней двойчы кідаў «кактэйль Молатава» ў дзверы ізалятара на вуліцы Валадарскага ў Мінску. Іван Комар ў гэты момант быў у суседнім скверы, інфармуе spring96.org.
Свой учынак анархісты патлумачылі тым, што яны выступаюць супраць пераследу палітычных зняволеных. Абодвух прызналі вінаватымі па трох артыкулах Крымінальнага кодэкса: артыкул 341, частка 1 артыкула 14, частка 2 артыкула 218, частка 2 артыкула 295-3.
27 сакавіка Мінскі гарадскі суд змяніў прысуд суда Савецкага раёна: Мікіце Емельянову – 4 гады пазбаўлення волі, Івану Комару – 3 гады 6 месяцаў пазбаўлення волі.
Праваабарончая супольнасць прызнала Мікіту Емельянава і Івана Комара палітычнымі зняволенымі.
palitviazni.info
