Прэмія імя Вацлава Гавела прысуджана Алесю Бяляцкаму

Мінск, 30 верасня. Прэмія за правы чалавека імя Вацлава Гавела прысуджана беларускаму праваабаронцу Алесю Бяляцкаму. Аб гэтым на афіцыйнай цырымоніі ў Страсбургу аб’явіў старшыня Парламенцкай асамблеі Савета Еўропы Жан-Клод Міньён.
“У сваёй штодзённай барацьбе супраць парушэнняў правоў чалавека, несправядлівасці, адвольнасці і аўтарытарызму Алесь Бяляцкі бесперапынна працаваў для таго, каб грамадзяне Беларусі маглі аднойчы далучыцца да нашых еўрапейскіх стандартаў”, — сказаў Міньён.

Сярод іншых намінантаў на прэмію былі Асацыяцыя маладых юрыстаў (Грузія) і Rights Defence Network (Кітай).

На цырымоніі прысутнічала жонка Бяляцкага Наталля Пінчук.

Прэмія імя Вацлава Гавела за правы чалавека штогод уручаецца ПАСЕ сумесна з Бібліятэкай Вацлава Гавела і фондам Charta 77. Сума прэміі складае 60 тыс. еўра. Галоўнай мэтай прэміі з’яўляецца заахвочванне выдатных дзеячаў грамадзянскай супольнасці, якія займаюцца абаронай правоў чалавека.

Алесь Бяляцкі быў арыштаваны 4 жніўня 2011 года і асуджаны за ўтойванне даходаў у асабліва буйным памеры на 4,5 года пазбаўлення волі ў калоніі ўзмоцненага рэжыму з канфіскацыяй маёмасці.

Падставай для крымінальнага пераследу стала наяўнасць у яго замежных банкаўскіх рахункаў, сродкі якіх выкарыстоўваліся для праваабарончай дзейнасці. Адкрыць рахункі ў Беларусі не ўяўлялася магчымым, бо цэнтр “Вясна” працуе нелегальна — улады неаднаразова адмаўлялі ў афіцыйнай рэгістрацыі арганізацыі. Суд таксама не прыняў да ўвагі тое, што ўрон, які нібыта нанёс дзяржаве Бяляцкі, быў поўнасцю пагашаны за кошт добраахвотных ахвяраванняў грамадзян.

Праваабаронца адбывае пакаранне ў папраўчай калоніі № 2 Бабруйска, ён афіцыйна прызнаны вязнем сумлення.

belapan.com
- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні

  • Зьміцер Завадскі
  • Павал Мажэйка
  • Андрэй Пазьняк
  • Кацярына Садоўская
  • Павал Красоўскі