Тыдзень таму да Паўла Севярынца, ў Пружанскі раён дзе ён адбывае «хімію», прыяжджалі журналісты.

Сёньня малады палітык чакае ў госьці маці. Павал распавёў пра будучыя падзеі ў раёне і камэндатуры.

«Ідзе невялікая калявыбарчая мітусьня. Старшыня аблвыканкаму Сумар прыяжджае ў Пружаны, да нас зьбіраецца нейкая праверка. Сумар, відаць, хоча падтрымаць былога старшыню райвыканкаму Юркевіча, але чаго яго падтрымліваць, калі ён застаўся адзіны — ў нас безальтэрнатыўная акруга».

Сустаршыня аргкамітэту БХД Павал Севярынец пакараны 3 гадамі «хіміі» за падзеі 19 сьнежня 2010 году.

svaboda.org