Дзмітрый Дашкевіч этапаваны ў Віцебскі следчы ізалятар № 2

Лідар міжнароднай арганізацыі “Малады фронт” (Чэхія) Дзмітрый Дашкевіч этапаваны ў Віцебскі следчы ізалятар № 2, паведаміла БелаПАН намеснік старшыні арганізацыі Анастасія Палажанка.

Паводле яе слоў, пасля прыгавору Глыбоцкага раённага суда, які 28 жніўня на закрытым выязным пасяджэнні ў калоніі № 13 Глыбокага (Віцебская вобласць) прызнаў Дашкевіча вінаватым у “злосным непадпарадкаванні патрабаванням адміністрацыі папраўчай установы” (частка 1 артыкула 411 Крымінальнага кодэкса) і прыгаварыў яго да года пазбаўлення волі, Дзмітрый павінен быць этапаваны ў іншую калонію. “Гэта звычайная практыка”, — сказала Палажанка.

Яна таксама паведаміла, што 3 верасня, напярэдадні этапу, Дашкевіча наведаў адвакат. “Ні пра што асаблівае яны не размаўлялі, развіталіся з Глыбокім, абмеркавалі бытавыя пытанні. Гэта своеасаблівая падтрымка перад этапам, — зазначыла Палажанка. — Этап — самае дрэннае ў жыцці зняволенага. Апошні этап у Віцебскае СІЗА для Саннікава і Дашкевіча быў сапраўдным катаваннем”.

Пісаць Дашкевічу зараз трэба на адрас: 210026 Віцебск, вул. Гагарына, 2, СІЗА-2. Дашкевічу Дзмітрыю Вячаслававічу.

У глыбоцкай калоніі Дашкевіч адбываў пакаранне па крымінальнай справе, распачатай у канцы 2010 года. Напярэдадні апошніх выбараў прэзідэнта Беларусі, 18 снежня 2010 года, Дашкевіча і яго таварыша па “Маладым фронце” Эдуарда Лобава затрымалі ў Мінску па абвінавачанні ў збіванні двух мужчын. У сакавіку 2011 года Дашкевіч быў прыгавораны да 2 гадоў пазбаўлення волі ў калоніі агульнага рэжыму. Прадстаўнікі апазіцыі і праваабаронцы расцанілі арышт Дашкевіча і Лобава, прыгаворанага да 4 гадоў пазбаўлення волі, як прэвентыўную меру па зачыстцы актывістаў апазіцыі напярэдадні выбараў. Міжнародныя праваабарончыя арганізацыі прызналі Дашкевіча і Лобава палітычнымі зняволенымі.

Другая крымінальная справа ў дачыненні да лідара “Маладога фронту” праваабаронцы разглядаюць як меру націску на апазіцыянера, які катэгарычна не прызнае сваёй віны і неаднаразова адмаўляўся падаваць прашэнне аб памілаванні на імя Лукашэнкі.

Вызвалення Дзмітрыя Дашкевіча неаднаразова патрабавалі еўрапейскія структуры.

belapan.com

- у навінах

 

Зьвязаныя навіны:

24.12.2020 Зміцер Дашкевіч: Я натхніўся, што трэба і далей асвятляць палітвязняў лістамі з волі

28.09.2020 Зміцер Дашкевіч: На мяне паабяцалі скласці восем пратаколаў

22.07.2020 Зміцер Дашкевіч: Калі раней кандыдатаў у прэзідэнты саджалі ў турму ў дзень выбараў, то зараз за два месяцы да гэтага

12.11.2019 Зміцер Дашкевіч: Людзі павінны ўмець карыстацца зброяй

24.10.2019 Зміцер Дашкевіч: Правакатару, які распыліў пярцовы газ абаронцу Курапат, далі толькі штраф…

15.10.2019 Зміцер Дашкевіч: Рэклама гэтаму мерапрыемству не патрэбна

23.07.2019 Зміцер Дашкевіч: Гэта быў адзіны выразна палітычны артыкул у Крымінальным кодэксе

11.06.2019 Зміцер Дашкевіч: Ад змены складнікаў у рэпрэсіўным беларускім апараце нічога не зменіцца

27.03.2019 Зміцер Дашкевіч: У ізалятары сядзеў, як у прыбіральні…

26.03.2019 Мікола Статкевіч: Арышты выбітных музыкаў – красамоўныя сведчанні пра канец нават уяўнай “лібералізацыі”

Іншыя палітычныя вязьні