Петыцыю з патрабаваннем вызваліць палітвязняў перадалі ў Адміністарцыю прэзідэнта (фота)

Беларускія праваабаронцы перадалі ў Адміністарцыю Аляксандра Лукашэнкі петыцыю, у якой патрабуць вызваліць Алеся Бяляцкага і ўсіх вязняў сумлення. Прадстаўнікі асноўных праваабарончых арганізацый Беларусі ў кашулях з надпісам “Свабоду Бяляцкаму!” прайшлі ад скрыжавання праспекта Незалежнасці і вуліцы Янкі Купалы да адміністрацыі Аляксандра Лукашэнкі.

Па словах аднаго з кіраўнікоў праваабарончага цэнтра “Вясна” Таццяны Равякі, зварот прымеркаваны да гадавіны арышту Алеся Бяляцкага, а таксама да дня салідарнасці з палітзняволенымі.

– Мы звяртаемся да Лукашэнкі з патрабаваннем вызвалення Алеся Бяляцкага і ўсіх палітвязняў. Нагадваем пра тыя складаныя ўмовы, у якіх вымушаны працаваць праваабаронцы і ўвогуле прадстаўнікі ўсёй грамадзянскай супольнасці і патрабуем, каб гэтая сітуацыя змянілася. Каб і праваабаронцы, і прадстаўнікі грамадскіх арганізацый маглі працаваць у нармальных умовах, не баючыся арыштаў і розных рэпрэсій.

Петыцыю ў Адміністрацыю перадалі асабіста Таццяна Равяка і старшыня Беларускага Хельсінскага камітэта Алег Гулак. Дакумент быў прыняты і зарэгістраваны.

У гэтым імправізаваным шэсці да Адміністрацыі прымалі ўдзел лідар Руху “За свабоду” Аляксандр Мілінкевіч, старшыня Цэнтра правоў чалавека Раіса Міхайлоўская, намеснік старшыні Беларускай асацыяцыі журналістаў Андрэй Бастунец, сташыня Асамблеі няўрадавых арганізацый Сяргей Мацкевіч і іншыя.

* * *

Словы салідарнасці з беларускімі палітвязнямі, асабліва з Алесем Бяляцкім, выказаў для нашага радыё еўрадэпутат Яцэк Сарыюш-Вольскі, які ініцыяваў збор подпісаў для вылучэння праваабаронцы да ўзнагароды Андрэя Сахарава:

– Захапляемся яго адвагай, яго барацьбой за правы чалавека. Еўрапейскі параламент памятае і не забудзе пра яго. Свету, Еўропе і Беларусі будзем напамінаць пра Алеся і рабіць усё магчымае, каб ён выйшаў на волю.

Праваабарончы цэнтр “Вясна” звяртаецца да калегаў, прадстаўнікоў міжнародных і беларускіх праваабарончых арганізацый з заклікам правесці ў гэты дзень акцыі салідарнасці з Алесем Бяляцкім – старшынёй Праваабарончага цэнтра “Вясна” і віцэ-прэзідэнтам Міжнароднай федэрацыі за правы чалавека (FIDH), які быў арыштаваны 4 жніўня 2011 года і асуджаны да чатырох з паловай гадоў пазбаўлення волі за актыўню праваабарончую дзейнасць.

racyja.eu

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні

  • Эніра Браніцкая
  • Аляксандар Баразенка
  • Іван Гапонаў
  • Аляксандар Францкевіч