Намесьнік кіраўніка адміністрацыі Кастрычніцкага раёну Віцебску Віктар Галанаў паведаміў праваабаронцам, што іх заяўку не задаволілі. Маўляў, заяўнікі не заключылі дамоваў на абслугоўваньне мерапрыемства з аддзелам унутраных спраў, гарадзкой цэнтральнай паліклінікай і прадпрыемствам “Віцебская жыльлёва-камунальная гаспадарка”.

Патрабаваньне заключаць дамовы з камунальнікамі, мэдыкамі і міліцыянтамі для атрыманьня дазволу на масавыя мерапрыемствы зьявілася ў 2009 годзе, калі Віцебскі гарвыканкам прыняў рашэньне №881 “Аб масавых мерапрыемствах у горадзе Віцебску”. Ад дня прыняцьця гэтага рашэньня мясцовыя ўлады не дазволілі ніводнай акцыі, хаця віцебскія актывісты спрабавалі гэтага дамагчыся нават праз суды.

Раней у правядзеньні аналягічных акцый салідарнасьці з Алесем Бяляцкім было адмоўлена уладамі ў Баранавічах. Мазыры й іншых гарадах.

svaboda.org