Беларускі праваабаронца, віцэ-прэзідэнт Міжнароднай федэрацыі па правах чалавека Алесь Бяляцкі ў папраўчай калоніі № 2 у Бабруйску працуе пакавальнікам швейных вырабаў.
Беларускі праваабаронца, віцэ-прэзідэнт Міжнароднай федэрацыі па правах чалавека Алесь Бяляцкі ў папраўчай калоніі № 2 у Бабруйску працуе пакавальнікам швейных вырабаў.
Пра гэта паведаміла яго жонка Наталля Пінчук.
Паводле яе слоў, увечары 27 красавіка Бяляцкі патэлефанаваў ёй з калоніі. “Гэта быў першы тэлефонны званок з калоніі. Я пачула, што ён у нос кажа, спытала пра здароўе. На гэта ён сказаў, што адчувае сябе нармальна, але ёсць рэшткавыя з’явы прастуды, якую перанёс у калоніі.
Але ў асноўным усё нармальна», – сказала Пінчук.
Размова доўжыўся каля пяці хвілін. У гутарцы Бяляцкі пацвердзіў, што будзе абскарджваць новы пазоў да яго з боку падатковай інспекцыі.
“Голас быў бадзёры, ён трымаецца”, – адзначыла Пінчук.
Нагадаем, у лістападзе мінулага года суд Першамайскага раёна Мінска прызнаў Алеся Бяляцкага вінаватым ва ўтойванні даходаў у асабліва буйным памеры і прысудзіў яго да чатырох з паловай гадоў пазбаўлення волі ў калоніі ўзмоцненага рэжыму з канфіскацыяй маёмасці. Падставай для крымінальнага пераследу праваабаронцы стала наяўнасць у яго замежных рахункаў у банках Літвы і Польшчы. Гэтыя грошы выкарыстоўваліся для праваабарончай дзейнасці. Адкрыць рахункі ў Беларусі не ўяўлялася магчымым, так як цэнтр “Вясна” працуе нелегальна – улады неаднаразова адмаўлялі ў афіцыйнай рэгістрацыі арганізацыі.
Паводле прысуду ад 24 лістапада 2011 года, Алесь Бяляцкі быў асуджаны на чатыры з паловай гады калоніі ўзмоцненага рэжыму з спагнаннем кампенсацыі нібыта нанесенай «шкоды дзяржаве” сумай 721 млн. 454 тыс. 17 рублёў і дзяржаўнай пошліны ў 36 млн. 72 тыс. 700 рублёў. Грошы дзякуючы добраахвотным ахвяраванням былі цалкам выплачаны да разгляду касацыйнай скаргі, якая адбылася 24 студзеня 2012 года. Касацыйная інстанцыя, нягледзячы на выплату шкоды, пакінула прысуд без змены.
18 красавіка суд Першамайскага раёна Мінска прыняў рашэнне аб спагнанні з праваабаронца Алеся Бяляцкага пенi за пратэрмінаваную выплату падаткаў. Бяляцкі атрымаў рашэнне суда “аб спагнанні пені” у суме 140 млн 266 тыс. 151 рубля і дзяржаўнай пошліны ў суме 7 млн 13 тыс. 307 рублёў.
belapan.by
