Статкевіча катуюць бяссонніцай (відэа)

Тыповае катаванне сталінскага НКВД – пазбаўленне сну – зазнае гэтымі днямі былы кандыдат у прэзідэнты, а цяпер палітвязень Мікалай Статкевіч. Пра новыя спробы ціску з боку адміністрацыі магілёўскай турмы № 4 паведаміла жонка палітвязня Марына Адамовіч.

МАРЫНА АДАМОВІЧ, ЖОНКА МІКАЛАЯ СТАТКЕВІЧА:
«Літаральна кожныя 10–15 хвілінаў кантралёр грукаў у вечка. Гэта – метал аб метал, гэта вельмі гучна. І крычаў у гэтае вечка кожныя 10–15 хвілінаў. Назаўтра гэтая сітуацыя паўтарылася, толькі ўжо дадаўся грукат нагамі ў жалезныя дзверы камеры. І гэтак было некалькі начэй запар».

Марына Адамовіч мяркуе, што, замінаючы начному сну палітвязня, ахоўнікі вымушаюць яго адпачываць удзень. А гэта караецца карцэрам.

Таксама жонка палітвязня сцвярджае, што той не можа атрымаць лекі, якія яна яму выслала, з-за штучных бюракратычных перашкодаў, створаных адміністрацыяй турмы № 4 Магілёва.

Мікалай Статкевіч – апошні кандыдат на прэзідэнта на мінулых выбарах, які застаецца за кратамі. Яго асудзілі на шэсць гадоў зняволення паводле абвінавачання ў арганізацыі масавых закалотаў 19 снежня 2010 года. Жонка палітвязня мяркуе, што цкаванне з боку адміністрацыі звязанае з ягонаю адмоваю пісаць прашэнне аб памілаванні.

- у навінах

 

Зьвязаныя навіны:

19.12.2017 Мікола Статкевіч: Нам не сорамна будзе глядзець у вочы сваім дзецям

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

Іншыя палітычныя вязьні