Шэсце ў падтрымку Бяляцкага ў Гомелі не дазволілі

Гомельскі гарвыканкам разгледзеў заяву Юрыя Варонежцава, Леаніда Судаленкі і Анатоля Паплаўнага на правядзенне вулічнага шэсця і не даў на масавае мерапрыемства дазволу. Нагадаем, у Гомелі 4 жніўня планавалася правядзенне вулічнага шэсця з мэтай выказвання пратэсту супраць крымінальнага пераследу праваабаронцы Алеся Бяляцкага і іншых палітычных зняволеных.

Цікава, што гарвыканкам нават рашэння не прымаў па дадзеным пытанні, як таго патрабуе заканадаўства, а даслаў заяўнікам паведамленне «Аб разглядзе заявы на масавае мерапрыемства».

Там гаворыцца, што «ўзгадніць масавае мерапрыемства не ўяўляецца магчымым, таму што заяўленае месца правядзення вулічнага шэсця (пешаходная частка вуліцы Савецкая) не адпавядае патрабаванням закона «Аб масавых мерапрыемствах». Намеснік старшыні гарвыканкама Аксана Рудзянок патлумачыла ў лісце, што па маршруце шэсця размешчаны на адлегласці менш за 50 мэтраў падземны пешаходны пераход, а таксама будынкі выканаўчых органаў.

Чыноўніца дадала, што заяўнікі не выканалі патрабаванне рашэння гарвыканкама «Аб масавых мерапрыемствах» і не заключылі платных дамоваў з міліцыяй, «хуткай» і камунальнымі службамі. Але, як паказвае практыка, такія дамовы заключыць немагчыма — бо ні «хуткая», ні «міліцыя» не заключаюць дамоваў, пакуль няма дазволу гарвыканкама.

«Мы першы раз замовілі не пікеты, а менавіта шэсце, якое, як зразумела, на пляцоўцы каля ДК таварыства глухіх „Віпра“ (адзіная пляцоўка ў горадзе для масавых мерапрыемстваў) не правядзеш. Звяртае на сябе ўвагу той факт, што чыноўнікі нават рашэння не прымалі, а абмежаваліся фармальнай адпіскай.
Улада па-ранейшаму адважна бярэ на сябе адказнасць за парушэнне канстытуцыйных правоў сваіх грамадзян.

Будзем абскарджваць тую паперку ў судзе», — пракаментаваў Леанід Судаленка.

radyjo.net

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні