Да Міколы Статкевіча не даходзяць лісты

Ліставаньне зь Мікалаем Статкевічам спынілася, калі пачаўся тыдзень салідарнасьці з палітвязьнем.

Пра гэта карэспандэнту «Свабоды» паведаміла жонка палітвязьня Марына Адамовіч. Яна адзначае, што з канца чэрвеня лісты ад Мікалая Статкевіча да яе не даходзяць. Камітэт «Салідарнасьць» распачаў тыдзень салідарнасьці са Статкевічам 17 чэрвеня.

Марына Адамовіч не выключае, што ліставаньне спынілася і ў сувязі з палітычнымі заявамі яе мужа:

«Апошнім часам, асабліва пасьля зьяўленьня ягоных ацэнак справаздачы Палецкіса і ягонага ліста да літоўскага прэм’ера, як ён распавядаў, практычна зьніклі лісты да яго не ад сваякоў. І ад яго ад канца чэрвеня няма нічога. Чакаю. Можа, у блізкім часе нешта зьявіцца».

Мікалай Статкевіч адбывае пакараньне 6 гадамі пазбаўленьня волі ў магілёўскай турме, куды яго перавялі з калёніі як злоснага парушальніка рэжыму. Паводле Марыны Адамовіч, якая на пачатку ліпеня бачылася з мужам у турме, ён выглядае добра і нават загарэў. «Патлумачыў, што загарэў на сонцы, гуляючы на турэмным дворыку», — кажа Марына Адамовіч.

svaboda.org

- у навінах

 

Зьвязаныя навіны:

19.12.2017 Мікола Статкевіч: Нам не сорамна будзе глядзець у вочы сваім дзецям

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

Іншыя палітычныя вязьні