Навошта Алесю Бяляцкаму трэці гадзіньнік?

Палітвязень Алесь Бяляцкі у апошнім лісьце паведаміў жонцы, што атрымаў рэчавую перадачу і асабліва дзякаваў за перададзены ручны гадзіньнік.

«Гэта ўжо трэці гадзіньнік, які ў яго будзе за час знаходжаньня ў калёніі. Першы зламаўся, другі сарваўся з рукі і разьбіўся. Хай бы з гэтым больш пашанцавала!», — пракамэнтавала навіну Натальля Пінчук.

Чаму гэтак патрэбны гадзіньнік вязьню ў калёніі, дзе, здаецца, ўсё адбываецца па раскладзе? Натальля Пінчук гэтак адказала на такое пытаньне:

«Дакладна ня ведаю, але магу меркаваць, што як раз жорсткі расклад і патрабуе ад вязьняў звышпільнасьці і дакладнасьці. Калі я наведвала тую калёнію, то назірала, як праходзіць ў іх пастраеньне. Там хвіліна замаруджваньня можа каштаваць вязьню спагнаньня. А гэта можа прывесьці і да абмежаваньня ў пасылках, у званках ці нават сустрэчах са сваякамі. Яшчэ Алесю, магчыма, проста патрэбна паглядзець на гадзіньнік падчас працоўнага дня. Калі зьмена заканчваецца, павялічваецца стомленасьць, і трэба ведаць, колькі часу засталося. Падобныя рэчы вельмі важныя псыхалягічна. Мы на волі ня можам і ўявіць, ад якой нібыта драбязы залежыць стан чалавек ў няволі».

Алесь Бяляцкі ў Бабруйскай калёніі працуе на ўпакоўцы вырабаў, якія шыюць іншыя вязьні. У лістах Алесь паведамляў, што працаваць даводзіцца шмат.

Праваабаронца Алесь Бяляцкі асуджаны на 4,5 года зьняволеньня нібыта за ўтойваньне вялікіх прыбыткаў з-за мяжы. У судзе Бяляцкі тлумачыў, што гэта былі грошы, якія цалкам ішлі на дапамогу пацярпелым ад палітычных рэпрэсій ў Беларусі.

svaboda.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні