Міхалевіча затрымалі на мяжы ЗША, адпусцілі праз 12 гадзін

Экс-кандыдата ў прэзідэнты Беларусі Алеся Міхалевіча затрымалі на мяжы ЗША. Супрацоўнікі іміграцыйнай службы ЗША (USCIS) у нью-ёркскім аэрапорце імя Кенэдзі не прапусцілі яго. Пра гэта ў сацыяльных сетках паведамляе сябар палітыка Юрась Зяньковіч. Афіцэр іміграцыйнага кантролю запрасіў палітыка прайсці дадатковае інтэрв’ю.

Міхалевіч прыляцеў для ўдзелу ў працы Камітэта па правах чалавека ААН.

Як вядома, Міхалевіч, якога разам з іншымі апазіцыйнымі кандыдатамі затрымалі пасля мінулых прэзідэнцкіх выбараў, заявіў, што ў турме КДБ яго катавалі, каб завербаваць. Ён патаемна ўцёк з краіны і атрымаў палітычны прытулак у Чэхіі. КДБ падаў на яго ў міжнародны вышук, у выніку чаго ў Міхалевіча перыядычна здараюцца праблемы на межах. Пасля высвятлення ўсіх абставінаў, аднак, праблема здымаецца.

Так здарылася і ў аэрапорце Нью-Ёрка.

Праз 12 гадзін Міхалевіча адпусцілі на свабоду. «Пакаштаваў амерыканскія наручнікі і вобшук. Вашынгтонскае бюро Інтэрпола мяне са спісаў пакуль не зняло»,

— напісаў палітык у сваім акаўнце ў Фэйсбуку.

nn.by

- у навінах

 

Зьвязаныя навіны:

03.07.2020 «Падстаў для спынення крымінальнага пераследу ў дачыненні да вас не маецца”. Следчы камітэт адказаў экс-палітвязню Алесю Міхалевічу па справе дзесяцігадовай даўніны

24.03.2020 Алесь Міхалевіч: У гэтым годзе маю справу не закрыюць за тэрмінам даўніны

21.06.2019 “Справу Алеся Міхалевіча” закрыюць у наступным годзе?

03.10.2018 Алесь Міхалевіч: Крымінальную справу не хочуць закрываць…

23.04.2018 Былы палітвязень Алесь Міхалевіч зарэгістраваў у Вільні юрыдычны офіс

28.09.2017 Алесь Міхалевіч: Прызнаць невінаватым не хочуць, а прызнаць вінаватым не могуць

28.02.2017 Чаму не закрываюць справу Алеся Міхалевіча?

20.09.2016 Алесь Міхалевіч збіраецца звяртацца па сваёй крымінальнай справе ў Пракуратуру

05.05.2016 Алесь Міхалевіч рыхтуецца да парламенцкай кампаніі

17.02.2016 Экс-кандыдат у прэзідэнты Алесь Міхалевіч будзе балатавацца ў дэпутаты

Іншыя палітычныя вязьні