Мікола Статкевіч: Мы перажываем самыя высокія часы

Праваабаронца і палітвязень Алесь Бяляцкі, а таксама былы кандыдат на прэзыдэнта Мікола Статкевіч даслалі сваім родным лісты.

Пасьля працяглага перапынку атрымала ліст ад Алеся Бяляцкага ягоная жонка Натальля Пінчук. Яна мяркуе, што Алесь доўга не пісаў з прычыны сваёй занятасьці ў калёніі:

«Ён прыслаў ліст, і я для сябе гэтак патлумачыла, што ён вельмі заняты: шмат каму трэба адказаць на лісты, таксама ён працуе ў швейным цэху на ўпакоўцы прадукцыі. Ён ніколі ня піша, ці адбываецца на яго ціск, акрамя тых спагнаньняў, якія на яго былі ўскладзеныя. Усё гэта застаецца ў сіле: Алесь пазбаўлены кароткатэрміновага спатканьня, доўгатэрміновага, прадуктовых перадач, а таксама грашовыя пераводы скарочаныя з 500 да 100 тысяч рублёў».

Чарговы ліст даслаў сваёй жонцы Марыне Адамовіч палітвязень Мікола Статкевіч. Марына Адамовіч кажа, што ня можа чытаць гэты ліст бязь сьлёз:

«У гэтым лісьце Мікола адказаў мне на напісанае Алесем Бяляцкім: як ні дзіўна, але мы зараз перажываем ня самыя горшыя часы ў сваім жыцьці. Мікола пагадзіўся і сказаў, што цалкам згодны з Алесем, сказаў, што зараз мы перажываем, магчыма, ня толькі ня самыя горшыя, але і самыя высокія часы. Ён піша, што, безумоўна, хочацца на волю, хочацца пабачыць бацьку, вас, пабачыць неба не праз краты і празь сетку, дакрануцца да жывога дрэва. Але такой маральнай яснасьці, такога дакладнага разуменьня, што патрэбна, чаго нельга, як зараз — цяжка знайсьці. І кажа, што сёньня ён бы ня змог на свабодзе зрабіць болей дзеля адстойваньня чалавечай годнасьці, чым на гэтым „полі бітвы“ памерам у дзесяць квадратных мэтраў. У гэтым — увесь Мікола, увесь Алесь, увесь Зьміцер і ўсе тыя хлопцы, якія за нас там змагаюцца значна больш, чым мы тут за іх».

, - у навінах

 

Зьвязаныя навіны:

31.12.2020 Марына Адамовіч: Міколу “катуюць” патрыятычнымі спевамі

17.11.2020 Мікалай Статкевіч: У камерах адключаюць кнопкі тэрміновага выкліку кантралёра

29.10.2020 Мікалаю Статкевічу працягнулі тэрмін утрымання пад вартай яшчэ на два месяцы

27.10.2020 Чаму не праводзяцца следчыя дзеянні з удзелам Мікалая Статкевіча?

30.09.2020 Мікалай Статкевіч змяніў ужо чацвёртую камеру

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

31.08.2020 Мікалай Статкевіч пакінуў у СІЗА-1 “гаспадарку”

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

04.08.2020 Адвакат Уладзімір Сазанчук: Гэта поўнае беззаконне!

26.06.2020 Марына Адамовіч: Ніхто не можа сказаць, калі муж выйдзе на волю

Іншыя палітычныя вязьні