“Пасля адмены спатканняў зараз я ўжо амаль ў норме” – піша ў лісце да жонкі палітзняволены кіраўнік праваабарончага цэнтра “Вясна” Алесь Бяляцкі з бабруйскай калоніі №2. Адміністрацыя калоніі адмяніла два спатканні, якія павінен быў мець палітзняволены – кароткатэрміновае ў жніўні і доўгатэрміновае ўвосені.

Па словах яго жонкі Наталлі Пінчук, у лісце Алесь Бяляцкі падтрымлівае яе:

– Ён згадвае пра апошнія спатканні, якія не далі магчымасці адбыцца спатканню, якое планавалася ў сярэдзіне жніўня. Ён піша: “Спадзяюся, што ты не ўпала ў змрочную меланхолію пасля адмены гэтага спаткання? Сам трымаюся колькі можна”. Пасля гэтых навінаў зараз ужо амаль што ў норме, здолеў адаптавацца да той не лепшай сітуацыі, пасля адмены гэтага спаткання.

Наталля Пінчук кажа, што наступная магчымасць сустрэцца з мужам у яе можа быць толькі ў снежні. “Калі зноў нічога не здарыцца, бо гаварыць аб тым, што нічога не здарыцца, не прыходзіцца. Бо зараз назіраецца наўмыснае стварэнне невыноснай атмасферы для Алеся ў калоніі. Ён сам у адным з апошніх лістоў пісаў, што верагодна, вынясенне яму спагнанняў можа працягнуцца” – кажа Наталля Пінчук.

racyja.eu