Праваабаронцы заклікаюць да салідарнасці з Алесем Бяляцкім

Праваабаронцы заклікаюць прадстаўнікоў міжнародных і беларускіх арганізацый 4-га жніўня адправіць Аляксандру Лукашэнку петыцыю з патрабаваннем вызваліць Алеся Бяляцкага. Па словах Валянціна Стэфановіча з праваабарончага цэнтра “Вясна”, дзень арышту Бяляцкага ўстаноўлены Міжнародным днём салідарнасці з грамадзянскай супольнасцю і праваабарончым рухам у Беларусі:

– Гэта была ініцыятыва нашых калегаў, Міжнароднага камітэта па кантролю за сітуацыяй у Беларусі, якія працавалі 19 снежня. Мы канешне вельмі ўсцешаныя, што нашыя калегі вырашылі так вось падтрымаць Алеся, і яшчэ раз звярнуць увагу на сітуацыю ў Беларусі з правамі чалавека, з палітычнымі вязнямі, з беларускімі праваабарончымі арганізацыямі, якія працуюць у цяжкіх, неспрыяльных умовах.

Тэкст петыцыі, які размешчаны на сайце “Вясны”, можна падпісаць і перадаць у пасольства Беларусі ў сваёй краіне, альбо адправіць у адміністрацыю Лукашэнкі.

Як раней заўважыў нашаму радыё еўрадэпутат Марэк Мігальскі, улады Беларусі адсочваюць з’яўленне падобных заяў і петыцый. Сам еўрадэпутат ініцыяваў падпісанне сумеснай заявы па сітуацыі ў Беларусі, у якой 15 еўрапейскіх палітыкаў патрабуюць вызваліць беларускіх палітвязняў:

– Мы перакананыя ў тым, што ўлады Беларусі адсочваюць тое, што пра іх пішуць і кажуць у Еўропе. Таму я перакананы, што яны ўжо ведаюць пра гэтую петыцыю, і маю надзею, што зарэагуюць на яе адпаведным чынам, гэта значыць адбудзецца змякчэнне рэжыму і спыненне рэпрэсій.

4-га жніўня споўніцца роўна год з часу затрымання лідара “Вясны”, віцэ-прэзідэнта Міжнароднай федэрацыі правоў чалавека Алеся Бяляцкага. У гэты дзень рыхтуюцца акцыі салідарнасці са зняволеным праваабаронцам як у Беларусі, так і па-за межамі краіны.

racyja.eu

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні