Amnesty International: Гэта трывожны знак помсты

Дэвід Нікалс, прадстаўнік міжнароднай праваабарончай арганізацыі Amnesty International пры Эўразьвязе, сказаў нашаму радыё ў сувязі з прысудам беларускаму правабаронцу Алесю Бяляцкаму:

«Мы шакаваныя сёньняшнім прысудам, вынесеным Алесю Бяляцкаму. Мы заклікаем Эўразьвяз і ўсіх іншых неадкладна асудзіць гэты прысуд самым рашучым чынам. Алесь Бяляцкі зьяўляецца вязьнем сумленьня ў Беларусі, і ўлады Беларусі павінны вызваліць яго неадкладна».

Са сваёй заявай выступіў Джон Далхойсэн, намесьнік дырэктара Amnesty International у Эўропе і Цэнтральнай Азіі: «Асуджэньне Алеся Бяляцкага зьяўляецца трывожным знакам кампаніі помсты, якая вядзецца ўладамі Беларусі супраць законных абаронцаў правоў чалавека».

Міжнародная праваабарончая арганізацыя лічыць, што абвінавачаньні ў працэсе Бяляцкага былі відавочна палітычна матываванымі, і яго ніколі не павінны былі б арыштаваць або судзіць. Алесь Бяляцкі зьяўляецца вязьнем сумленьня і павінен быць неадкладна і безумоўна вызвалены, гаворыцца ў заяве.

Amnesty International нагадвае, што беларускія праваабарончыя арганізацыі дзейнічаюць у варожым асяродзьдзі. Яны сутыкаюцца зь перашкодамі пры спробе зарэгістравацца, а са сьнежня 2005 году ўсялякая дзейнасьць ад імя незарэгістраванай арганізацыі лічыцца крымінальным злачынствам.

svaboda.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні