Мікалай Статкевіч: Ніякага прашэння пісаць не буду

Са слоў жонкі палітвязня, ён ні ў якім разе не стане пісаць прашэнне аб памілаванні.

22 студзеня Марына Адамовіч, жонка былога кандыдата ў прэзідэнты Мікалая Статкевіча, атрымала ад мужа ліст, у якім той фактычна адказаў на пытанне, ці пагадзіўся б ён напісаць прашэнне аб памілаванні, каб выйсці на волю. Марына Адамовіч зачытала «Радыё Свабода» вытрымку з ліста, які быў адпраўлены 16 студзеня.

«Калегі з Сацыял-дэмакратычнай партыі Нямеччыны цяпер ва ўрадзе, і яны з дапамогай схаванай дыпламатыі цяпер будуць дамагацца майго вызвалення, як Хадаркоўскага. Але я супраць тайнай дыпламатыі там, дзе патрэбныя іншыя сродкі. І я не Хадаркоўскі, я кандыдат у прэзідэнты, а той бізнэсовец. Таму ніякага прашэння я пісаць не буду. Бо заклікаў людзей на Плошчу, дзясяткі тысяч прыйшлі, нягледзячы на страх. І здраджваць такой колькасці людзей я не змагу», – гаварылася ў лісце.

Са слоў Марыны Адамовіч, выказванне Лукашэнкі ў бок Мікалая Статкевіча, што той нібыта «палітычны труп», з’яўляецца довадам таго, што правадыр сапраўды ўважае Мікалая Статкевіча сваім палітычным апанентам. «Інакш яго б не трымалі ў турме», – мяркуе Марына Адамовіч.

Мікалай Статкевіч асуджаны на 6 гадоў пазбаўлення волі нібыта за арганізацыю беспарадкаў 19 снежня 2010 года і адбывае пакаранне ў магілёўскай турме.

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні