Цэнзура не прапусьціла ліст Статкевіча

Турэмная цэнзура не прапусьціла на волю ліст, у якім Мікалай Статкевіч распавядаў пра зьнікненьне з рацыёну белага хлеба.

Былы кандыдат на прэзыдэнта Мікалай Статкевіч спрабаваў лістом паведаміць, што з турэмнага рацыёну зьнік белы хлеб, але гэты ліст да адрасата не дайшоў. Пра гэта распавяла жонка палітвязьня Марына Адамовіч, якая бачылася з мужам у турме 26 сьнежня:

«Я запыталася ў яго: што ж ты гэтак мяне павіншаваў з Калядамі, што яны ліст затрымалі? Аказалася, што ён напісаў мне пра зьнікненьне ў іх белага хлеба. Гэта належыць кожнаму вязьню паводле нормаў — абавязкова кавалак белага хлеба. Дык яму замянілі белы хлеб шэрым і спачатку спрабавалі давесьці, што гэта нормы зьмяніліся. Ён напісаў заяву, што хоча азнаёміцца з новымі нормамі, дык аказалася, што ніякіх новых нормаў няма. Ён мне пра гэта ўсё напісаў, і, відаць, аказалася страшэнна небясьпечна выпусьціць такую інфармацыю з турмы».

Паводле Марыны Адамовіч, Мікалай Статкевіч падчас іхняй сустрэчы дакладна ня ведаў, ці толькі яго пазбавілі белага хлеба, ці ўсіх вязьняў магілёўскай турмы.

Былы кандыдат на прэзыдэнта Мікалай Статкевіч адбывае 6 гадоў зьняволеньня за ўдзел у мітынгу 19 сьнежня 2010 году. Палітвязьня ўжо два гады ўтрымліваюць у крытай Магілёўскай турме як парушальніка турэмнага рэжыму.

svaboda.org

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні