Суд не задаволіў скаргу Уладзіміра Някляева (відэа)

10 ліпеня ў судзе Цэнтральнага раёна Мінска разглядаецца заява экс-кандыдата ў прэзідэнты Беларусі, лідара кампаніі “Гавары праўду!” Уладзіміра Някляева аб распачынанні крымінальнай справы па факце нападу на яго 19 снежня 2010 года.

Апазіцыйны палітык просіць суд адмяніць пастанову пра адмову ў распачынанні крымінальнай справы, падпісаную пракурорам мінскай пракуратуры Ермаковым, і абавязаць “распачаць крымінальную справу па факце бандыцкага нападу”.

Перад пачаткам пасяджэння палітык паведаміў БелаПАН, што неаднаразова звяртаўся ў розныя інстанцыі з патрабаваннем распачаць крымінальную справу па факце збіванняў, аднак нідзе, у тым ліку ў пракуратуры, яго скарга не была падтрыманая.

Паводле слоў палітыка, сваю адмову пракуратура матывавала тым, што падчас правядзення расследавання не было знойдзена доказаў таго, што на экс-кандыдата напалі супрацоўнікі праваахоўных органаў.

“Праваахоўныя органы абавязаныя знайсці бандытаў у чорнай форме без апазнавальных знакаў, якія збіваюць і рабуюць грамадзян у цэнтры горада, гэта іх прамы абавязак”, — мяркуе Някляеў. Ён дадаў, што ў вечар збівання яго невядомымі таксама была выкрадзеная дарагая апаратура.

Палітык мяркуе, што “ведаючы нашу судовую сістэму”, вынік яго звароту ў суд прадказаць лёгка — ён будзе адмоўным. “Але гэта не азначае, што я займаюся марнай справай”, — заявіў Някляеў. Ён зазначыў, што цудоўна ведае, што за людзі на яго напалі, бо “так прафесійна дзейнічаць могуць толькі спецыяльна навучаныя людзі накшталт супрацоўнікаў спецназа, АМАПа ці падраздзялення “Алмаз”.

belapan.com

- у навінах

 

Зьвязаныя навіны:

19.12.2019 Уладзімір Някляеў: У 2010 годзе на плошчу выйшлі людзі, якія разумеюць жыццё не толькі як спосаб есці і піць…

28.10.2019 Уладзімір Някляеў: Сядзець не магу – працую над раманам стоячы…

24.07.2019 Уладзімір Някляеў: У Мінску ў мяне ёсць справы і асабістыя, і палітычныя

14.06.2019 Уладзімір Някляеў: Знаходжанне ў следчым ізалятары КДБ у 2010 годзе нагадвае пра сябе і ў Швецыі

15.05.2019 Уладзімір Някляеў дасць у Швецыі прэс-канферэнцыю

31.01.2019 Уладзімір Някляеў: Са “справы БЕЛТА” атрымаўся чарговы пшык

08.08.2018 Уладзімір Някляеў: Гэта толькі нагода для таго, каб правесці ператрусы…

02.08.2018 Уладзімір Някляеў: Хто стварыў суды, у якіх суддзя – проста балванчык?

27.06.2018 Уладзімір Някляеў: Гэта наўпроставае знішчэнне незалежнага прафсаюза…

26.03.2018 Уладзімір Някляеў: Кіраўніцтва адной амбасады паклапацілася пра тое, каб мне перадалі лекі ў камеру

Іншыя палітычныя вязьні