Мікалай Статкевіч не ведае аб сваім узнагароджанні

Палітвязню невядома пра тое, што яго ўзнагародзілі прэстыжнай прэміяй імя Вілі Брандта, распавяла яго жонка.«Любое ўзнагароджанне, любая ацэнка вельмі важная і прыемная для чалавека, асабліва ва ўмовах зняволення. Нават калі гэта намінацыя, а тым больш, калі гэта ўзнагароджанне, за якое прагаласавала высокае журы. Мне асабліва прыемна, што Мікалаю прысудзілі ўзнагароду Вілі Брандта, знакавага і легендарнага чалавека ў еўрапейскай палітыцы, якога ў свой час называлі канцлерам пакаяння», – заявіла сайту charter97.org жонка палітычнага вязня Мікалая Статкевіча Марына Адамовіч.

Па словах жонкі палітвязня, яна паведаміць яму аб узнагародзе ў бліжэйшы час:

«Сёння важная любая падтрымка, любая ўвага, якая кажа пра тое, што цікавасць да праблемы палітвязняў не зніжаецца. Мікалай, праўда, яшчэ не ведае аб сваёй узнагародзе. Але я думаю, што яму будзе вельмі прыемна і ён скажа тое ж самае. Я збіраюся яму паслаць телеграму, у якой паведамлю пра гэта і прышлю ліст».

Нагадаем, палітвязню Мікалаю Статкевічу нядаўна прысудзілі Міжнародную прэмію імя Вілі Брандта «За асаблівую палітычную мужнасць». Прэмія заснаваная Сацыял-дэмакратычнай партыяй Германіі за ўклад у справу ўзаемаразумення і міру паміж народамі.

Экс-кандыдат у прэзідэнты Мікалай Статкевіч асуджаны за падзеі 19 снежня 2010 года на 6 гадоў пазбаўлення волі. Год таму ён быў пераведзены ў крытую турму ў Магілёве з-за таго, што яго прызналі «злосным парушальнікам рэжыму».

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні