800 паштовак за месяц для Бяляцкага

Алесь Бяляцкі атрымаў больш за 800 віншавальных паштовак, у тым ліку фатаздымак калегаў зь «Вясны».

Праваабаронца Алесь Бяляцкі атрымаў больш за 800 паштовак, у якіх людзі віншавалі яго з 50-годзьдзем. Сярод іншых, да праваабаронцы ў Бабруйскую калёнію дайшлі паштоўкі з фатаздымкамі людзей, якія яго віншавалі. Сярод атрыманых пасланьняў было і калектыўнае фота праваабаронцаў зь «Вясны», якія арганізоўвалі грамадзкую кампанію «Адпраў паштоўку Алесю Бяляцкаму». Актывістка «Вясны» Тацяна Равяка распавяла пра апошні ліст Алеся Бяляцкага, які днямі атрымала.

«Ён піша, што паштоўкі да яго працягваюць ісьці, што разам з маім лістом атрымаў яшчэ тры з розных краінаў. Ён быў вельмі ўсьцешаны, што атрымаў здымкі людзей, якія сфатаграфаваліся і дасылалі яму гэтыя здымкі з рознымі віншавальнымі надпісамі. І мы, вясноўцы, такі фатаздымак яму даслалі, і ён яго камэнтуе: што той зьмяніўся, а той вунь якім стаў. Бо для яго вельмі важна было пабачыць твары людзей, якія яго віншавалі, а таксама калегаў і сяброў, якіх ён ня бачыў больш за год».

Алесь Бяляцкі адбывае пакараньне ў Бабруйскай калёніі. Праваабаронца асуджаны на 4,5 года зьняволеньня за ўтойваньне вялікіх прыбыткаў з-за мяжы. Алесь Бяляцкі заявіў у судзе, што грошы, пра якія гаворка, пайшлі на дапамогу пацярпелым ад палітычных рэпрэсій.

svaboda.org

- у навінах

 

Зьвязаныя навіны:

09.09.2020 “На гвалт і катаванні быў загад”. Кіраўнік Праваабарончага цэнтра “Вясна” Алесь Бяляцкі прааналізаваў месяц, які пражыла краіна пасля выбараў

05.08.2020 “Усё гэта мне нагадвае нейкае дэжавю…” Дзевяць гадоў таму быў арыштаваны кіраўнік Праваабарончага цэнтра “Вясна” Алесь Бяляцкі

03.06.2020 Алесь Бяляцкі: Улады паказваюць, што не збіраюцца гуляць па правілах

07.05.2020 Алесь Бяляцкі: У Беларусі асноўны удар накіраваны на блогераў

09.04.2019 Алесь Бяляцкі: Пераслед незалежных СМІ у гэтым годзе толькі ўзмацніўся

21.03.2019 Алесь Бяляцкі: Няма ніякага сумневу, што справа Аюба Ціціева – палітычная

31.05.2018 Алесь Бяляцкі: Перакананы, што лідараў незалежнага прафсаюза не пасадзяць

30.03.2018 Алесь Бяляцкі: Рэпрэсіўныя механізмы працягваюць працаваць

22.03.2018 Алесь Бяляцкі: Улады зрабілі больш жорсткай тактыку рэпрэсій

28.12.2017 Алесь Бяляцкі: Гэта быў няпросты і досыць трывожны год

Іншыя палітычныя вязьні