Статкевіч чарговы раз адмовіўся пісаць прашэнне аб памілаванні

Палітык даслаў чарговы ліст на волю, у якім просіць за яго не хвалявацца.

Экс-кандыдат у прэзідэнты Мікалай Статкевіч, засуджаны на 6 гадоў зняволення, даслаў з Магілёўскай турмы ліст:

З ліста вынікае, што ціск на палітыка ўзмацняецца:

«Сёння ад імя начальніка атрада аб’явілі вымову па штучна прыцягнутай нагодзе. Наколькі я разумею, з улікам шклоўскага вопыту, на гэтым справа не спыніцца…»

Палітык лічыць «сапраўднай прычынай усяго гэтага — прымусіць мяне напісаць прашэнне аб памілаванні». Ён падцвярджае, што не будзе пісаць такое прашэнне.

Статкевіч піша, што накіраваў «заяву ў Магілёўскую абласную пракуратуру з нагоды гэтага спагнання, дзе таксама ўзгадваю пра сапраўдную прычыну гэтай «вымовы».

Палітык просіць, за яго не хвалявацца і жартуе «… і ў тутэйшым ШІЗА я ўжо сядзеў — нічога новага для мяне тут няма, калі нават і прыйдзецца»

***

Нагадаем, што год назад, 26 мая 2011 года, суд Ленінскага раёна сталіцы (суддзя Людміла Грачова, пракурор Антон Загароўскі) прызнаў Мікалая Статкевіча вінаватым у «арганізацыі масавых беспарадкаў» 19 снежня 2010 года і прыгаварыў яго да шасці гадоў пазбаўлення волі ў калоніі ўзмоцненага рэжыму. Ён адбываў пакаранне ў шклоўскай калоніі № 17, аднак 15 студзеня 2012 года быў пераведзены ў магілёўскую турму № 4.

Прычынай стала афіцыйнае прадстаўленне адміністрацыі калоніі, згодна з якім асуджаны палітык «не стаў на шлях выпраўлення», «да ўмоўна-датэрміновага вызвалення не імкнецца» і пасля адбыцця пакарання мае намер «весці злачынны лад жыцця».

Мікалай Статкевіч некалі разоў адмаўляўся пісаць на імя Лукашэнкі прашэнне аб памілаванні.

nn.by

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні