Палітвязню Міколу Статкевічу сёння спаўняецца 57 гадоў

12 жніўня экс-кандыдату ў прэзідэнты на выбарах на 2010 г., асуджанаму на 6 гадоў зняволення, Мікалаю Статкевічу спаўняецца 57 гадоў. 

«Падтрымаць палітвязня, даслаўшы віншавальную тэлеграму можна не выходзячы з хаты», — гаворыць яго жонка Марына Адамовіч. Сп. Адамовіч будзе ўдзячна за любыя словы падтрымкі:

«Можна паслаць ліст, можна паслаць паштоўку, а можна паслаць тэлеграму ў тым ліку і з хатняга тэлефона.

У Мінску па тэлефоне 166 можна проста падыктаваць тыя словы, якія Вы б хацелі сказаць у гэты дзень Міколу. Я ўдзячная за любую падтрымку. Я думаю і ўпэўнена, што Мікола будзе вельмі рады атрымаць словы падтрымкі ў дзень свайго нараджэння»

Напісаць палітвязню можна на адрас: 212011, г. Магілёў, вул. Крупскай, 99а, турма № 4, або затэлефанаваўны на нумар 166.

Гэта ўжо трэці дзень нараджэння, які апазіцыйны палітык адзначае за кратамі.

Мікалай Статкевіч — адзіны кандыдат у прэзідэнты на выбарах 2010 года, да гэтага часу знаходзіцца ў зняволенні. Як і іншыя апазіцыйныя кандыдаты ў прэзідэнты, ён быў арыштаваны вечарам 19 снежня 2010 г.

У маі 2011 года суд Ленінскага раёна Мінска прысудзіў Стакевіча да шасці гадоў пазбаўлення волі па абвінавачванні ў арганізацыі масавых беспарадкаў 19 снежня. Палітык адбываў пакаранне ў шклоўскай калоніі №17, аднак у студзені 2012 года яму зрабілі больш жорсткім ўмовы адбыцця пакарання, перавёўшыў магілёўскую турму №4.

Аляксандр Лукашэнка неаднаразова заяўляў, што яго палітычныя апаненты, якія знаходзяцца ў зняволенні, могуць быць вызваленыя пры ўмове, калі напішуць прашэнне аб памілаванні. Паводле інфармацыі Марыны Адамовіч, яе мужу неаднаразова прапаноўвалі напісаць прашэнне. Пасля адмоваў гэта зрабіць ціск на Статкевіча ўзмацняўся.

Падчас апошняга спаткання з жонкай экс-кандыдат таксама пракаментаваў ініцыятыву грамадскіх актывістаў з Бабруйска, якія заклікалі грамадзянаў адпраўляць палітвязням лісты з прапановай напісаць на імя Лукашэнкі прашэнне аб памілаванні.

Па словах Марыны Адамовіч, Мікалай Статкевіч з гэтай нагоды заявіў: нават калі ўся дэмакратычная грамадскасць папросіць яго пра гэта, ён на гэта не пойдзе.

Паводле Радыё Рацыя. БелаПАН

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні