Мікола Статкевіч непакоіцца за палітвязняў Дзядка і Васьковіча

Палітзняволены, былы кандыдат у прэзідэнты Мікалай Статкевіч 12 ліпеня патэлефанаваў з турмы №4 Магілёва сваёй жонцы Марыне Адамовіч. У размове ён расказаў пра выпадак, сведкам якога быў у турме.

Па словах палітыка, уночы ён чуў крыкі на беларускай мове. І прасіў праверыць сітуацыю з палітзняволенымі маладзёвымі актывістамі Мікалаем Дзядком і Яўгенам Васьковічам, якія ўтрымліваюцца ў гэтай жа турме.

Марына Адамовіч:

– Ён сказаў, што двойчы – уночы з 6-га на 7-е і з 7-га на 8-е ліпеня – у поўнай цішыні было добра чуваць, як з крытага корпуса нехта крычаў і біў, відаць, па рашотцы металічным кубкам. Пры гэтым крычаў на чыстай беларускай мове пра тое, што яму ўсё надакучыла, што не хоча быць у гэтай камеры, але ўсё роўна прашэння пісаць не будзе.

Па словах Марыны Адамовіч, Мікалай Статкевіч прасіў даведацца пра сітуацыю вакол Мікалая Дзядка і Яўгена Васьковіча: як даўно сустракаліся з імі адвакаты, ці падвяргаліся яны ў апошні час ціску праз іншых зняволеных з мэтай дабіцца прашэння пра памілаванне?

Па словах палітыка, у гэтай турме вельмі часта “пераціскаюць” зняволеных, але крыкі на беларускай мове, тым больш якія тычыліся б напісання прашэнняў пра памілаванне, ён чуў упершыню.

racyja.com

- у навінах

 

Зьвязаныя навіны:

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

Іншыя палітычныя вязьні