Мікалай Статкевіч: Палецкіс клапоціцца аб перапраўцы грузаў праз Клайпеду

Палітвязень раскрытыкаваў справаздачу дакладчыка дэлегацыі Еўрапарламента аб Беларусі.

Пра гэта Мікалай Статкевіч паведаміў у лісце сваёй жонцы Марыне Адамовіч.

«Прачытаў пра даклад Палецкіса. Здзівіўся ягонай тэзе аб «паляпшэнні сітуацыі» ў 2012 годзе. Наколькі я памятаю, у гэты год чацвёра з «палітычных» былі пастановамі судоў пераведзеныя з калоній у турмы. А гэта істотнае пагаршэнне сітуацыі для нас. Напрыклад, у савецкія часы адзін дзень у турме (у СІЗА) залічваўся за два дні ў калоніі. Я ўжо не кажу пра той ціску, які давялося вытрымаць большасці з нас. Калі гэта «паляпшэнне», то што тады «пагаршэнне»? І такое ўражанне, што спадар Палецкіс клапоціцца не пра паляпшэнне сітуацыі тут, а пра аб’ёмы перавалкі грузаў Клайпедскага порта. У лепшым выпадку», – мяркуе палітычны вязень.

Ён таксама выказаў сваё меркаванне наконт беларуска-расейскіх стасункаў.

«Па БТ даведаўся пра авіябазу – ізноў «нагнулі». Нафтавы баланс цяпер, мабыць, падпішуць, але грошы праедзеныя, а потым прыйдзе час новага балансу. І што далей?», – падкрэсліў Мікалай Статкевіч.

Нагадаем, Мікалай Статкевіч быў адным з кандыдатаў у прэзідэнты на выбарах 2010 года. Быў арыштаваны пасля масавай дэманстрацыі пратэсту супраць іх фальсіфікацый.

26 траўня 2011 года палітык быў прысуджаны судом Партызанскага раёна Менска да 6 гадоў пазбаўлення волі ва ўмовах ўзмоцненага рэжыму.

Пастановай суда ад 12 студзеня 2012 умовы адбыцця пакарання былі змененыя на больш жорсткія, і ён быў пераведзены з калоніі №17 у Шклове ў турму №4 Магілёва.

Статкевіча часта кідаюць у карцэр, палітвязень абмежаваны ў перадачах і сустрэчах са сваякамі, на загад уладаў у дачыненні да яго чыняцца правакацыі.

charter97.org

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні