Новыя правакацыі супраць Мікалая Статкевіча

На палітвязня Мікалая Статкевіча ў турме пачалася новая хваля ціску.

Інфармацыю аб гэтым атрымала жонка палітыка Марына Адамовіч, перадае «Радыё Рацыя».

«Я маю звесткі пра тое, што пасля непрацяглага перапынку пачаліся чарговыя правакацыі супраць Мікалая Статкевіча ў магілёўскай турме №4. Наколькі мне вядома, у мінулую нядзелю двойчы спрабавалі здзейсніць правакацыі супраць яго ў камеры. На жаль, пакуль што мне змест дакладна не вядомы», – сказала жонка палітвязня.

Паводле яе слоў, нават у жорсткіх турэмных умовах Мікалай Статкевіч не губляе прысутнасці духу, працягвае аналізаваць як бягучую сітуацыю, так і мінулае Беларусі. Па словах Марыны Адамовіч, ён даслаў эсэ, у якім разважае пра нацыянальную ідэю. У бліжэйшы час гэтая праца будзе апублікаваная на асабістым сайце палітыка.

Мікалай Статкевіч быў адным з кандыдатаў у прэзідэнты на выбарах 2010 года. Арыштаваны пасля масавай дэманстрацыі пратэсту супраць іх фальсіфікацый. Тады ж былі арыштаваныя больш за 700 удзельнікаў акцыі пратэсту, у тым ліку кандыдаты ў прэзідэнты Андрэй Саннікаў, Уладзімір Някляеў, Алесь Міхалевіч і членаў іх выбарчых штабоў.

26 траўня 2011 года палітык быў асуджаны судом Партызанскага раёна Менска да 6 гадоў пазбаўлення волі ва ўмовах ўзмоцненага рэжыму.

Рашэннем суда ад 12 студзеня 2012 года ўмовы адбыцця пакарання былі змененыя на больш жорсткія, пераведзены з калоніі №17 у Шклове ў турму №4 Магілёва.

Статкевіча часта кідаюць у карцэр, палітвязень абмежаваны ў перадачах і сустрэчах са сваякамі, па загадзе ўладаў у дачыненні да яго ажыццяўляюцца правакацыі.

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні