Марына Адамовіч непакоіцца, ці атрымае Статкевіч падарунак на дзень народзінаў

12 жніўня — дзень нараджэньня у палітвязьня, былога кандыдата на прэзыдэнта Міколы Статкевіча.

Жонка Міколы Статкевіча Марына Адамовіч кажа, што акурат у дзень свайго нараджэньня ёй без тлумачэньня прычын вярнулі бандэроль: зьняволены ў крытай турме пазбаўлены спатканьняў і перадач, яму можна даслаць толькі адну бандэроль на год. Што да віншаваньняў Міколы з днём народзінаў, Марына кажа:

«Я, скажам так, зрабіла для гэтага ўсё, што магла. А ці атрымае ён гэта, я пакуль што ня ведаю. У мінулым годзе, калі з днём нараджэньня яго павіншавала ўся зона Шклоўская, нас на тры месяцы пазбавілі перапіскі і ўсяго астатняга. А ў калёніі сьпілавалі турнік… Таму я так і кажу: я зрабіла для гэтага ўсё, што магла. А калі і што ён атрымае, я ня ведаю».

Мікола Статкевіч — кандыдат на прэзыдэнцкіх выбарах 2010 г. Затрыманы 19 сьнежня 2010 г. пасьля акцыі пратэсту супраць фальшаваньня вынікаў выбараў і зьмешчаны ў СІЗА КДБ. Абвінавачаны ў арганізацыі масавых беспарадкаў і ўдзеле ў іх.

26 траўня 2011 г. судзьдзя Ленінскага суду Менску Людміла Грачова асудзіла Статкевіча на шэсьць гадоў пазбаўленьня волі ў калёніі ўзмоцненага рэжыму. Праваабарончая арганізацыя «Міжнародная амністыя» прызнала яго вязьнем сумленьня.

У калёніі Мікалай Статкевіч быў прызнаны злосным парушальнікам і адпраўлены судом ў крытую Магілёўскую турму,

Улетку Статкевічу працягнулі ўтрыманьне ў камэры крытай турмы.

svaboda.org

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні