Марына Адамовіч: Не думаю, што гэта тычыцца Статкевіча

Па словах Марыны Адамовіч, жонкі палітвязня і кандыдата ў прэзідэнты на мінулых выбарах Мікалая Статкевіча, словам Аляксандра Лукашэнкі аб вызваленні некаторых палітзняволеных верыць практычна немагчыма.

Кіраўнік Беларусі заявіў, што ў бліжэйшы час разгледзіць пытанні аб памілаванні тых апазіцыйных палітыкаў, якія звярнуліся да яго з прашэннем. Вядома, што гэта зрабілі Андрэй Саннікаў і Дзмітрый Бандарэнка. Мікалай Статкевіч прашэння не пісаў. Таму Марына Адамовіч не верыць, што ён будзе вызвалены:

– Я лічу, што Лукашэнка вельмі часта агучвае гэтую тэму. Я памятаю першую яго заяву, такую вельмі гучную – 20 траўня. Але ў дадзеным выпадку я спадзяюся вельмі. Шанс на вызваленне ёсць, як ён сам сказаў, у некаторых палітвязняў. Але ж Лукашэнка, як заўсёды, не можа рабіць гэта годна і ставіць пэўныя умовы. Таму я не лічу, што ў дадзеным канкрэтным выпадку гэта тычыцца Мікалая Віктаравіча.

Мікалай Статкевіч быў асуджаны на 6 гадоў зняволення ў калоніі строгага рэжыму па артыкуле аб масавых беспарадках. Гэта самы вялікі тэрмін зняволення па справе аб пратэстах, якія адбыліся ў Мінску 19 снежня 2010 года – у дзень прэзідэнцкіх выбараў. У сярэдзіне студзеня 2011 года па рашэнні суда Шклоўскага раёна форма пакарання палітыку была зменена. Са шклоўскай калоніі ён быў пераведзены ў магілёўскую турму, дзе рэжым утрымання нашмат больш жорсткі.

racyja.com

- у навінах

 

Зьвязаныя навіны:

19.12.2017 Мікола Статкевіч: Нам не сорамна будзе глядзець у вочы сваім дзецям

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

Іншыя палітычныя вязьні