Blog

8 Articles

Сяргей Скрабец: Мяне б у любым выпадку не выпусцілі на волю…

Былы палітвязень Сяргей Скрабец распавёў сайту palitviazni.info пра тое, ці падтрымлівае ён беларускіх бізнесменаў, якія звярнуліся да сілавікоў з просьбай не “закрываць” іх падчас папярэдняга следства.

“У Беларусі рашэнні аб заключэнні пад варту не заўсёды следчыя прымаюць, каманды часам ідуць з больш высокіх кабінетаў, – адзначае суразмоўца. – Будзе каманда – ніхто не дапаможа”.

Былы палітвязень Сяргей Скрабец нарэшце працаўладкаваўся і будзе ўдзельнічаць у выбарах

Палітык Сяргей Скрабец распавёў, што збіраецца вылучаць на парламенцкіх выбарах сваю кандыдатуры, а штаб па зборы подпісаў будзе складацца з рабочых парадпрыемства, дзё ён зараз працуе.

“15 гадоў не бралі на працу, – распавёў сайту palitviazni.info Сяргей Скрабец. – Але зараз, калі я ўладкоўвася, то схаваў сваю аўтабіяграфію. Можа быць, да выбараў не звольняць…”

Сяргей Скрабец: Краіну я пабачыў з “аўтазака”…

Былы палітычны вязень Сяргей Скрабец напісаў успаміны пра сваё знаходжанне ў беларускіх турмах.

“На жаль, усё тое, што пісаў за кратамі, прымусілі спаліць, таму зараз давялося аднаўляць усё па памяці”, – распавёў ён сайту palitviazni.info.

Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

 Апошняя акцыя пратэсту, якая прайшла ў мінулыя выхадныя ў цэнтры сталіцы, была даволі нешматлюднай. Ці патрэбны такія мерапрыемствы?

“На жаль, выніковасць такіх акцый практычна нулявая”, – выказаў сваё меркаванне сайту palitviazni.info экс-палітвязень Сяргей Скрабец.

Былы палітвязень Сяргей Скрабец будзе плаціць дзяржаве да канца жыцця?

Экс-дэпутат Палаты прадстаўнікоў Сяргей Скрабец сёння атрымлівае 170 рублёў у месяц, з якіх 60 рублёў штомесяц слачвае дзяржаве.

“Калі зменіцца ўлада, мая справа будзе перагледжана, і ўсе грошы мне вернуць”, – распавёў пра свае спадзяванні сайту palitviazni.info былы палітвязень.

Сяргей Скрабец збіраецца спаліць на Кастрычніцкай плошчы апавяшчэнне з падаткавай інспекцыі

Сяргей СкрабецБылы дэпутат Палаты прадстаўнікоў Сяргей Скрабец, які ў свой час  быў адпраўлены за краты за быццам бы нанесены дзяржаве матэрыяльны ўрон, ужо доўгі час нідзе не можа працаўладкавацца і пасля таго, як уступіў у сілу Дэкрэт аб “дармаедах”, чакае апавяшчэння з падаткавай інспекцыі.

“Я па-ранейшаму не працую,– распавёў палітык сайту palitviazni.info. – І на біржу працы не іду, бо ў гэтым няма сэнсу. Там дапамога – усяго каля 12 долараў. Альбо накіруюць гнілую бульбу перабіраць, ужо было такое ў маёй практыцы. Патраціў больш на ежу і адзенне, чым зарабіў”.

У бацькоў Сяргея Скрабца прайшла шостая канфіскацыя

216cf94aef633f509db90de28d80dfb1

Былы палітвязень Сяргей Скрабец, каб кампенсаваць нанесены дзяржаве матэрыяльны ўрон, павінен выплочваць грошы каля 150 (!) гадоў. Яшчэ ён мусіць выплаціць каля 1,5 мільярды рублёў.

“Кожны месяц плачу ў банк 600 тысяч, – распавёў Сяргей Скрабец сайту palitviazni.info. – Нармальнай працы няма, да таго ж працягваюцца канфіскацыі…”

Сяргей Скрабец

Сяргей Скрабец

Сяргей Скрабец нарадзіўся 25 кастрычніка 1963 г. у г. Ліда Гарадзенскай вобласьці. Скончыў Беларускі палітэхнічны інстытут, працаваў інжынэрам-тэхнолягам, у 1990-х гг. — у камэрцыйных структурах, ад 1997 да 2001 г. — гэнэральным дырэктарам гандлёвага дому “Бел-Бабаеўскае”.

Дэпутат Палаты прадстаўнікоў Нацыянальнага сходу Беларусі 2-га скліканьня (2000–2004 гг.), дзе некаторы час узначальваў нефармальную дэпутацкую групу “Рэспубліка”. Летам 2004 г. разам з дэпутатамі з гэтай групы Ўладзімірам Парфяновічам і Валерыем Фраловым правёў галадоўку пратэсту супраць трэцяга тэрміну Аляксандра Лукашэнкі і супраць унясеньня паправак у выбарчае заканадаўства, а таксама за вызваленьне палітвязьня Міхаіла Марыніча.

Пазьней Сяргей Скрабец актыўна ўдзельнічаў у грамадзкіх акцыях з патрабаваньнем вызваленьня Аляксандра Казуліна і іншых палітвязьняў. Быў адным з арганізатараў акцыі пратэсту, прымеркаванай да 10-годзьдзя прэзыдэнцтва Лукашэнкі.

Храналёгія перасьледу

15 траўня 2005 г. Сяргей Скрабец быў арыштаваны і абвінавачаны ў вымантачваньні крэдытаў. У лютым 2006 г. асуджаны да двух з паловай гадоў папраўчай калёніі.

Адбываў пакараньне ў Віцебскай калёніі, дзе разам з Аляксандрам Казуліным трымаў галадоўку.

Рашэньнем пракуратуры тэрмін зьняволеньня Сяргея Скрабца быў скарочаны на адзін год. Вызвалены 15 лістапада 2006 году.