“Цалкам рэальна, што некаторых фігурантаў “справы патрыётаў” могуць асудзіць…”

У следчых ізалятарах сталіцы застаюцца яшчэ 16 чалавек, якія праходзяць па “справе патрыётаў” і абвінавачаюцца ў “падрыхтоўцы масавых беспарадкаў”.

“Рэакцыя Захада – адзінае, што можа паўплываць на справу і ўплывае, бо, калі зробяць закрыты суд, то асудзяць і ніхто нічога не даведаецца”, – распавядае сайту palitviazni.info былы палітвязень Мікалай Статкевіч.

Як вядома, днямі зменена мера стрымання фігуранту “справы патрыётаў” Яўгену Палтаржыцкаму. Такім чынам, у следчых ізалятарах сталіцы застаюцца яшчэ 16 чалавек, абвінавачаных у “падрыхтоўцы масавых беспарадкаў”.

З іх толькі адзін – Сяргей Кунцэвіч – не праходзіць па ўзбуджанай пазней справе аб стварэнні незаконнага ўзброенага фарміравання.

– Некаторых фігурантаў справы выпускаюць з ізалятараў пад хатні арышт, і некаторыя выказваюць меркаванні, што ўсё могуць пакрысе “спусціць на тармазах”, – кажа палітык. – Дай Бог, каб так і было, але ўсё можа адбыцца і па-іншаму. Таму, калі столькі людзей утрымліваюць у такіх умовах, то хтосьці можа і агаварыць сябе. Сілавікі вывучаюць слабыя месцы людзей, і асабіста мяне палохаць публічныя прызнанні ў каханні, калі ў СМІ друкуюцца лісты зняволеных да блізкіх. Гэта не тое месца, дзе можна паказваць свае пачуцці. Блізкія – гэта і ёсць слабое месца, па якому могуць ударыць. Былі ўжо такія гісторыі.

І яшчэ мне падаецца, што ўсе гэтыя маладыя людзі зрабілі вялікую памылку – яны думалі, што гэтая ўлада сапраўды гатова бараніць нашу незалежнасць. Але, як мне падаецца, гэта зусім не так.

– Ці можа Еўрасаюз нейкім чынам паўплываць на гэтую справу?

– А гэта адзінае, што можа паўплываць на справу, бо, калі зробяць закрыты суд, то асудзяць і ніхто нічога не даведаецца. Але зараз яны мусяць хоць нешта людзям прад’явіць, а таму так доўга і перакідваюць справу туды-назад. Ім трэба мець хоць нейкія доказы быццам бы вінаватасці людзей, прымусіць апошніх агаварыць сябе. Вось і шукаюць слабое звяно, каб “скляпаць” справу і асудзіць патрыётаў. Ніхто там не шукае праўду. Таму зусім рэальна, што некаторых могуць і пасадзіць у турму.

Безумоўна, для нас яшчэ вельмі прыкра, што за кратамі знаходзіцца Сяргей Кунцэвіч, які нават з тымі, хто праходзіць па “справе патрыётаў” не знаёмы. Мяркую, што яму проста помсцяць за тое, што ён дапамагаў мне не патрапіць за краты да Дня волі. Магчыма, яго трымаюць у звязку з фільмам, якія паказалі. Быццам бы ў машыне Сяргея знайшлі некія бутэлькі накшталт “кактэйляў Молатава”, хаця ёсць відэа, на якім бачна, што гэтыя бутэлькі спачатку дастаюць з аўтобуса без нумарных знакаў. Таму тут відавочная фальсіфікацыя. На Сяргея проста ціснуць…

palitviazni.info

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні