Мікалай Статкевіч: Няхай самі думаюць, якія яшчэ шкарпэткі можна ў мяне скрасці

DSCN5794Былы палітвязень Мікалай Статкевіч пасля выхаду на волю ўжо правёў шэраг акцый пратэсту, за што не раз быў прыцягнуты да адміністратыўнай адказнасці.

Між тым, сам палітык на гэтыя суды не ходзіць, а штрафы прынцыпова не аплочвае да гэтага часу.

“На сённяшні момант мне налічылі ўжо каля 100 мільёнаў рублёў штрафаў”, – распавядае экс-палітзняволены сайту palitviazni.info пра судовыя рашэнні і тое, як дзяржава хоча спагнаць з яго грошы.

– Здаецца, каля дзесяці штрафаў ужо далі, – кажа Мікалай Статкевіч. – Я нават не рэагую на гэта і не заўсёды паведамляю прэсе.

– Штрафы вы па-ранейшаму не аплочваеце?

– Не аплочваю, і зараз сітуацыя склалася даволі цікавая. Патрабавалі арыштаваць маю маёмасць, але маёмасці ў мяне няма, на што і прадаставіў суадносныя дакументы. У жонкі арыштоўвалі машыну, даслалі запыт у ДАІ, але мы таксама даказалі, што аўтамабіль падораны, таму ад нас адчапіліся. Тады праз суд пазбавілі мяне права кіравання аўтамабілем на 5 гадоў. Акрамя таго, усклалі фінансавую нагрузку на пенсію, але толькі тры штрафы з дзесяці. Вылічваюць палову пенсіі. Далей пры маім з’яўленні на мяжы памежнікі адпразу выклікаюць судовых выканаўцаў з бліжэйшых гарадоў. А зараз я нават і не ведаю, ці здольны наогул перасякаць мяжу. Можа быць, ужо і забаранілі. Апошні раз быў інцыдэнт у красавіку гэтага году, калі мы з жонкай ехалі дадому з Польшчы і ў тры гадзіны ночы на мяжу выклікалі з Гродна судовых выканаўцаў. Тады яны здолелі канфіскаваць два кубачкі, аўтамабільны пыласосік і мае старыя чорныя шкарпэткі, якія былі дарагія мне, як памяць. Менавіта ў іх я выходзіў з турмы на волю.

– Калі ў вас няма маёмасці, то як збіраюцца спагнаць штрафы?

– Не ведаю. Можа быць, спагнанне поўнасцю ўскладуць на пенсію ці нешта іншае прыдумаюць. Мне можна было б, натуральна, абаперціся на салідарнасць людзей і заплаціць штрафы (дарэчы, ніхто без салідарнасці не застаўся), але ж трэба камусьці спыніць гэтую штрафную вакханалію. Я лічу проста амаральным плаціць грошы на ўтрыманне ўлады за тое, што ты нічога не рабіў супрацьзаконнага, а рэалізоўваў свае канстытуцыйныя правы. Таму няхай самі думаюць, якія яшчэ шкарпэткі можна ў мяне скрасці.

– Скажыце, а ці могуць у сувязі з гэтым увесці супраць вас прэвентыўны нагляд?

– Лічу, што даўно маглі – ужо пасля трох спагнанняў. А прэвентыўны нагляд – гэта не толькі забарона на выезд з краіны, але і з горада нікуды не падзенешся без дазволу. Але ўлады на гэта не ідуць. Відаць, такія ў іх зараз геапалітычныя гульні.

palitviazni.info

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні