Мікалай Статкевіч: “Мяне спрабавалі ўгаварыць адмовіцца ад адзіночкі”

У сваім чарговым лісце да бялыніцкага журналіста Барыса Вырвіча палітвязень Мікалай Статкевіч выказаў свае асцярогі наконт кампаніі па выбарах прэзідэнта Рэспублікі Беларусь, якая павінна распачацца ужо ў хуткім часе.

У прыватнасці, Статкевіч піша: “Калі ўжо казаць пра тыя выбары і падрыхтоўку да іх дэмакратычных сілаў, то сітуацыя выглядае сумнай. Робіцца рэальнай перспектыва міжнароднай легітымізацыі. Для гэтага зараз дастаткова прадэманстраваць толькі “заўважны прагрэс”. Гэта значыць, паставіць меньшы працэнт і праігнараваць мажлівую акцыю пратэсту. Калі яна будзе. Карацей кажучы, план, які рыхтаваўся ў 2010 годзе, але быў сарваны, цяпер мае добрыя шанцы. Супрастаяць яму ніхто з кандыдатаў і не збіраецца. Ды і “адмазка” ёсць – Расія”.

Мікалай Статкевіч піша, што “газеты да мяне сталі даходзіць толькі два апошнія тыдні, і то не ўсе выпісаныя”, а таксама адзначае, што ў яго ўсё нармальна, і ён адчувае сябе добра.

“Тут усё спрабавалі ўгаварыць мяне адмовіцца ад адзіночкі. Ну калі так неабходна ведаць мае думкі, то проста трэба даваць тэлефанаваць блізкім і не забіраць лісты да мяне, каб я часцей ліставаўся. І будзе ім шчасце J”, – з гумарам адзначае палітвязень.

паводле https://spring96.org/be/news/77845

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні