Мікола Статкевіч з турмы рыхтуе кнігу “Шлях волі”

Гэта будзе збор артыкулаў і эсэ вядомага палітыка, былога кандыдата на прэзыдэнта і двойчы палітвязьня Мікалая Статкевіча, напісаных за мінулае дзесяцігодзьдзе.

Пра гэта «Свабодзе» паведаміла Марына Адамовіч, жонка Мікалая Статкевіча. Паводле Марыны Адамовіч, у апошнім лісьце Мікалай Статкевіч нагадаў пра варты да ўключэньня ў кнігу артыкул, які быў напісаны ў 2007 годзе. «Артыкул называўся, здаецца, „Жорсткая какетка і прастак“. Гэта пра адносіны Эўропы з Беларусьсю. Тады пачалася гэтак званая лібэралізацыя і Мікола лічыць, што артыкул зноў набыў актуальнасьць.»

Марына Адамовіч з сябрамі Мікалая Статкевіча зараз шукае ягоныя артыкулы ў друкаваным выглядзе па бібліятэках ды іншых крыніцах.

«Будзем пераводзіць іх у электронны выгляд і рыхтаваць да друку. Пакуль зроблена недзе палова працы, таму прадказваць, калі адбудзецца выхад кнігі, не бяруся. Хацелася б, каб хутчэй і каб сам Мікола змог яе прэзэнтаваць», — сказала Марына Адамовіч.

Паводле Марына Адамовіч, у кнігу будуць уключаныя і тыя развагі на актуальныя тэмы грамадзка-палітычнага жыцьця, якія Мікалай прысылае ў сваіх лістах з магілёўскай турмы.

Былы кандыдат на прэзыдэнта Мікалай Статкевіч асуджаны на 6 гадоў зьняволеньня нібыта за арганізацыю беспарадкаў 19 сьнежня 2010 году. Палітык сваёй віны не прызнаў і заявіў у судзе, што гэта быў законны мітынг пратэсту супроць фальшаваньня прэзыдэнцкіх выбараў. Другі год Мікалая Статкевіча трымаюць як злоснага парушальніка рэжыму ў закрытай турме.

svaboda.org

- у навінах

 

Зьвязаныя навіны:

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

20.06.2016 Мікалай Статкевіч: Трэба як мага больш палітызаваць парламенцкую кампанію

20.05.2016 Пытанне санкцый: быць альбо не быць?

12.05.2016 Мікалай Статкевіч: Няхай самі думаюць, якія яшчэ шкарпэткі можна ў мяне скрасці

Іншыя палітычныя вязьні