Мікалаю Статкевічу ў турме не дадаюць харчоў

Мікалай Статкевіч патрабуе ад турэмшчыкаў выкананьня нормаў харчаваньня вязьняў.

Мікалай Статкевіч даслаў ліст жонцы, Марыне Адамовіч. Таксама Марына размаўляла зь ім па тэлефоне і з яго словаў перадае падзяку ўсім актывістам, якія ўваходзілі ў групы па вылучэньні Статкевіча кандыдатам на дэпутата. Паводле Марыны Адамовіч, у турме Мікалаю Статкевічу перадалі частку копій рашэньняў выбарчых камісій, якія адмовіліся рэгістраваць былога кандыдата на прэзыдэнта. «Мікола адразу заўважыў, што тэксты адмоў быццам напісаны пад капірку», — кажа Марына Адамовіч. З ліста ёй стала вядома і пра працяглую барацьбу мужа за тое, каб дасканала выконваліся нормы харчаваньня вязьняў. На сваім прыкладзе Статкевіч пераканаўся, што гэтыя нормы парушаюцца.

«Напісаў, што спрабавалі справакаваць яго на канфлікт, нахабна і груба не дадаючы „пайку“. На канфлікт ён не пайшоў, але зараз думае, што рабіць з тым, што харчаваньне абсалютна не адпавядае норме. Піша: „Калі не перавядуць на агульны рэжым, каб сам падкарміўся, то хай харчуюць гэтак, як патрабуе норма і што аплачваецца з маёй пэнсіі.“ Паведаміў, што на камісіі, калі яму працягвалі турэмны рэжым, ён публічна назваў крадзяжом тое, што яму не дадаюць харчаваньня, за якое ён плаціць. „Дзе мае 250 грамаў гародніны, якіх я не бачу?“ А мне сапраўды вядома, што ў турме ежы не дадаюць, а падсілкавацца немагчыма, бо права на харчовыя перадачы таксама абмежавана».

Былога кандыдата на прэзыдэнта Мікалая Статкевіча асудзілі за Плошчу на 6 гадоў зьняволеньня і ў пачатку года перавялі са Шклоўскай калёніі ў крытую турму ў Магілёў як злоснага парушальніка рэжыму. Улетку Статкевічу працягнулі ўтрыманьне ў камэры крытай турмы.

svaboda.org

- у навінах

 

Зьвязаныя навіны:

13.11.2017 Мікалай Статкевіч: Справа можа дайсці нават да пасадкі ў турму

24.10.2017 Сяргей Скрабец: Сэнсу ў акцыях не бачу, але ў душы пратэстоўцаў падтрымліваю

23.09.2017 Мікола Статкевіч: Найперш за краты кідаюць патрыётаў сваёй краіны

23.05.2017 “Цалкам рэальна, што некаторых фігурантаў “справы патрыётаў” могуць асудзіць…”

24.02.2017 Мікалай Статкевіч: Ёсць чырвоная рыса, за якую не можам перайсці ні мы, ні ўлада

30.01.2017 Мікалай Статкевіч: Сёння ўлады не могуць сабе дазволіць раскідаць усіх па турмах…

06.09.2016 Былыя палітвязні рыхтуюцца да акцыі “Вярні выбары”

23.08.2016 Былы палітвязень Мікалай Статкевіч на гадавіну свайго вызвалення адкаркаваў армянскі каньяк 1968 году

12.08.2016 Мікалай Статкевіч: Найлепшы падарунак для мяне – свабода для нашай краіны

06.07.2016 Мікалай Статкевіч: Гэта ў пэўнай ступені акцыя салідарнасці з былымі палітвязнямі!

Іншыя палітычныя вязьні